ლურჯი ჩიტი - ფსიქოლოგიური ტესტი

FUN-ტესტი

5 იანვარი 18:00
147

გაიგეთ, როგორი ადამიანი ხართ...

ერთხელ თქვენს ოთახში ლურჯი ჩიტი შემოფრინდა. მოგეწონათ და გადაწყვიტეთ, დაიტოვოთ. თქვენდა გასაკვირად, მეორე დღეს ჩიტმა ლურჯი ფერი შეიცვალა და ყვითელი გახდა! მეტიც, ეს საოცარი ჩიტი ფერს იცვლის ყოველ ღამე. მესამე დილით ის უკვე კაშკაშა წითელი იყო, ხოლო მეოთხე დილით - შავი.
და აი, გათენდა მეხუთე დღე. რა ფერის იქნება ჩიტი?


1. არ იცვლის ფერს, ის ისევ შავია.


2. უბრუნდება თავის საწყის ლურჯ ფერს.


3. თეთრი ფერის ხდება.


4. ოქროსფერი ხდება.


პასუხები:


ოთახში შემოფრენილი ჩიტი აღიქმება, როგორც წარმატების სიმბოლო, მაგრამ მისი ფერის მოულოდნელი ცვლილება იწვევს თქვენს შეშფოთებას, შეგრძნებას იმისა, რომ ბედნიერება შეიძლება ხანმოკლე აღმოჩნდეს.


ამ სიტუაციაში თქვენი რეაქცია იმის დემონსტრირებაა, როგორ რეაგირებთ ცხოვრებისეულ სიძნელეებსა და მოულოდნელობებზე.


1. ისინი, ვინც უპასუხა, რომ ჩიტი დარჩა შავი ფერის, ცხოვრებას უყურებენ პესიმისტურად. თქვენ ფიქრობთ, რომ, თუ სიტუაცია ერთხელ გაუარესდა, შემდეგ არ გამოსწორდება.
იქნებ, ასე იფიქროთ: თუ ყველაფერი ძალიან ცუდადაა, მაშინ ამაზე უარესი არაფერი მოხდება. დაიმახსოვრეთ, რომ არ არსებობს ისეთი წვიმა, რომელიც არ გადაიღებს და ისეთი ღამე, რომელიც არ გათენდება.


2. ისინი, ვინც თქვეს, რომ ჩიტი ისევ ლურჯი ფერის გახდა, პრაქტიკული ოპტიმისტები არიან.
თქვენ გწამთ, რომ ცხოვრება კარგისა და ცუდის ნაზავია და საჭიროა, ამ რეალობის შეგუება. უსიამოვნებებს მშვიდად ხვდებით, ყოველგვარი ზედმეტი შფოთისა და სტრესის გარეშე. ასეთი მიდგომა საშუალებას გაძლევთ, უსაფრთხოდ გადაიტანოთ მღელვარებები და არ მისცეთ საშუალება, თან გაგიყოლონ.


3. ისინი, ვინც უპასუხეს, რომ ჩიტი გახდა თეთრი ფერის, პრობლემის დროსაც მშვიდად და მტკიცედ იქცევიან.
თქვენ არ კარგავთ დროს ნერვიულობასა და ყოყმანზე, მაშინაც კი, როცა კრიზისი გაქვთ. როცა სიტუაცია საკმაოდ მძიმდება, თქვენ გირჩევნიათ, შარში არ გაეხვეთ, დროულად შეწყვიტოთ უსარგებლო საქმე და საკუთარი მიზნისკენ სხვა გზა ეძებოთ.

4. ისინი, ვინც თქვეს, რომ ჩიტი ოქროსფერი გახდა, შეიძლება ერთი სიტყვით აღვწეროთ - „უშიშარი“.
ნებისმიერი კრიზისი თქვენთვის ხელსაყრელი შესაძლებლობაა. თქვენი შედარება შეიძლება ნაპოლეონთან, რომელმაც თქვა: „შეუძლებელი – ეს არ არის ფრანგული სიტყვა“.
მაგრამ ფრთხილად იყავით, რათა თქვენმა უსაზღვრო თავდაჯერებულობამ ყურადღება არ მოგიდუნოთ. გახსოვდეთ, სიმამაცესა და უგუნურებას შორის ძალზე მოკლე მანძილია.