თუ რძიანი შოკოლადი გიყვართ
რძიანი შოკოლადის მოყვარულებს რბილი ხასიათი აქვთ. მოსწონთ ყურადღების ცენტრში ყოფნა. საზოგადოებას აოცებენ მჭევრმეტყველებითა და ინტელექტით. გამოუსწორებელი რომანტიკოსები არიან. აფასებენ გრძელვადიან ურთიერთობებს და უჭირთ რომანის დასრულება.
თუ შავი შოკოლადი გიყვართ
შავი შოკოლადის მოყვარულები ადვილად აგროვებენ ცხოვრებისეულ გამოცდილებას და ნაადრევად ბრძენდებიან. მათთან ურთიერთობა ბევრი ადამიანისთვის რთულია. საკუთარ აზრზე მყარად დგანან. კამათში ხშირად ოპონენტს კუთხეში იმწყვდევენ და ფარ-ხმალს აყრევინებენ. ხანდახან დრამატულები არიან და მოვლენებს აზვიადებენ.
თუ თეთრი შოკოლადი გიყვართ
მეგობრები მეოცნებედ მიგიჩნევენ. ისინი ფიქრობენ, რომ გამოგონილ და უდარდელ სამყაროში ცხოვრობთ. სინამდვილეში კი თქვენს იდეებს კაცობრიობის ყოფის შეცვლა შეუძლია! კრეატიულობის მიუხედავად, თქვენი ჩანაფიქრები და პროექტები ხშირად თქვენს გონებაში ან პირად ჩანაწერებში რჩება, რადგან ინტროვერტი ხართ. ემოციებსა და აზრებს ახმაურებთ.
თუ ტრუფელი გიყვართ
ადამიანები, რომლებსაც ტრუფელი უყვართ, კარგი იუმორით გამოირჩევიან. ადვილად იფართოებენ სანაცნობო წრეს, თავისუფლად გამოთქვამენ თავის მოსაზრებებს, ეხერხებათ ხალხით მანიპულირება, მაგრამ ამ უნარს იშვიათად მიმართავენ.
თუ არაქისიანი შოკოლადი გიყვართ
კარგად ერკვევით მოდაში, მოგწონთ ვინტაჟი, საკუთარ თავს კრიტიკულად უდგებით და სრულყოფილებისკენ მიისწრაფვით. ხშირად გაქვთ ნოსტალგიური განწყობა და წარსულში იქექებით: ათვალიერებთ ალბომებს, უსმენთ ბავშვობის დროინდელ მუსიკას, უყურებთ შავ-თეთრ ფილმებს და ა.შ.
თუ თხილიანი შოკოლადი გიყვართ
ვიწრო სამეგობრო წრე გყავთ, რადგან ადამიანებს არ ენდობით. ხშირად მორალისტის პოზიციას იკავებთ და გარშემომყოფებს აკრიტიკებთ. იძლევით რჩევებს მაშინაც კი, თუ არ გისმენენ.
თუ ვაფლიანი შოკოლადი გიყვართ
იმპულსური და სიცოცხლით სავსე ხართ, თქვენს სახეზე ყოველთვის შეიძლება გრძნობების ამოკითხვა. ზუსტად აფასებთ საკუთარ შესაძლებლობებს, რაც წარმატების მიღწევაში გეხმარებათ. ადვილად ეგუებით ახალ სიტუაციებს.