1. თქვენ ყველაზე მეტად „მამა-მამაკაცი“ შეგეფერებათ
თუნდაც იმიტომ, რომ თავად „შვილი-ქალის“ ტიპაჟი ხართ და ზრუნვა გჭირდებათ.
მამაკაცის მხრიდან არასათანადო ყურადღების დროს თქვენ კაპრიზული და ნერვული ხდებით, რაც ურთიერთობის დაძაბვას იწვევს.
იმისთვის, რომ ბედნიერი იყოთ, ისეთი მამაკაცი უნდა აირჩიოთ, რომელიც თქვენს ყველა პრობლემას თავად გადაწყვეტს და ყველაზე აბსურდულ სურვილებსაც კი აგისრულებთ.
ამას კი „მამა-მამაკაცის“ ტიპაჟი შეძლებს. მისი საიმედოობა, საკუთარი თავის რწმენა და ზოგჯერ ავტორიტარული დამოკიდებულება ჰარმონიული ურთიერთობის საწინდარია. თქვენ დიდი სიამოვნებით დაემორჩილებით მის მოთხოვნებს და ზოგჯერ მამიკოს დამჯერი გოგოსავითაც კი მოიქცევით.
2. თქვენ ყველაზე მეტად „დაკომპლექსებული მამაკაცი“ შეგეფერებათ
თქვენ თავად „დედა-ქალის“ ტიპაჟი ხართ, რომლის მოწოდებაა, იყოს საჭირო ყველგან და ყველასთვის. ის თავისი მეუღლისა და საყვარელი მამაკაცისთვის პრაქტიკულად შეუცვლელია.
მთელ დროს საყვარელ ადამიანებს უთმობთ, რომლებსაც, თქვენი აზრით, თქვენი ზრუნვის გარეშე არსებობა არ შეუძლიათ. თქვენი თავდადების უკან ერთი სურვილი იმალება - გახდეთ ახლობლებისთვის ურყევი ავტორიტეტი.
ამგვარად თქვენთვის იდეალურია ის მამაკაცი, ვინც სიამოვნებით მიიღებს თქვენს დომინირებულ მდგომარეობას ოჯახში და წვრილმანებშიც კი დაგემორჩილებათ.
„დაკომპლექსებული მამაკაცი“ კი სიამოვნებით გადმოგაბარებთ ცხოვრებისეული პრობლემების მოგვარებას.
3. თქვენ ყველაზე მეტად „დამოუკიდებელი მამაკაცი“ შეგეფერებათ
თქვენ დამოუკიდებელი ადამიანი ხართ, ყველაფერზე საკუთარი აზრი გაქვთ. მამაკაცებს ძალიან მომხიბლავ, მაგრამ ამბიციურ ქალად მიაჩნიხართ, რაც მათში გარკვეულ შიშებს აღძრავს.
თქვენ ბედნიერი ცხოვრებისთვის მაქსიმალურად თავისუფალი დამოკიდებულებები და დროისა და პირადი სივრცის ურთიერთპატივისცემა გჭირდებათ. მსგავსი ურთიერთობის აწყობა მხოლოდ ჭკვიან, დამოუკიდებელ მამაკაცთან შეიძლება, რომელიც სასიყვარულო ურთიერთობებზე თქვენს შეხედულებებს იზიარებს.
ეს სრულიადაც არ ნიშნავს რომანტიკულობის იგნორირებას, მაგრამ ურთიერთობები მაინც ცხოვრებისეულ პრინციპებზე ერთნაირ შეხედულებებს ემყარება.
4. თქვენ ყველაზე მეტად „ბავშვი-მამაკაცი“ შეგეფერებათ
ვინაიდან თქვენ „ქალი-დის“ ტიპს განეკუთვნებით, მაშინ „ბავშვი-მამაკაცი“ თქვენს ყველა ცხოვრებისეულ მოვლენას გაიზიარებს. თქვენთვის მთავარია პარტნიორთან ერთიანობა, ასევე, მისი სურვილი, თქვენ გვერდით რაც შეიძლება მეტი დრო გაატაროს.
ქვეცნობიერად გინდათ, მამაკაცისთვის შუცვლელი გახდეთ და ცდილობთ, იყოთ როგორც საყვარელი, ისე საუკეთესო მეგობარი, რომელიც ყოველთვის მზადაა დასახმარებლად და საუკეთესო რჩევის მისაცემად. რჩეულისგანაც იმავეს ელით, მაგრამ ნაკლები დოზით.
„ბავშვი-მამაკაცი“ თქვენში „დას“ ამოიცნობს და ყოველმხრივ შეუწყობს ხელს ჰარმონიული ურთიერთობების ჩამოყალიბებას. გაცილებით გაგიძნელდებათ „დამოუკიდებელ მამაკაცთან“ ურთიერთობების დამყარება, ვინაიდან მას ყველაფერზე საკუთარი შეხედულება აქვს. თუმცა, თუკი მოქნილი იქნებით და აღიარებთ, რომ თავისუფალი დროის გატარება ერთადაც შეიძლება და ცალ-ცალკეც, მაშინ „დამოუკიდებელ მამაკაცთანაც“ გამოგივათ მყარი ურთიერთობების დამყარება.