1. სკამი ბაღში
თქვენ ურთიერთობა და საუბრები გჭირდებათ. არა უბრალოდ ორიოდე სიტყვა, არამედ ხანგრძლივი, გულითადი საუბრები. იპოვეთ დრო ძველი მეგობრისთვის, სთხოვეთ მას გამონახოს დრო თქვენთვის... ისაუბრეთ მასთან თუნდაც დილამდე, ყველაფერზე, წარსულზე, აწმყოზე.
2. ბილიკი ტყეში
თქვენ განახლება გჭირდებათ. მაგრამ არა - კარდინალური. თქვენი ცხოვრების ძირითადი კარკასი გაკმაყოფილებთ, მაგრამ თუნდაც გარეგნული, მცირეოდენი ცვლილებები საჭიროა. შესაძლოა, ეს იყოს ვარცხნილობა ან სამოსის სტილი. შესაძლოა, ახალი პროფესიის ათვისებაც გამოდგეს.
3. ყავა და კარგი ხედი
თქვენ გრძნობების განახლება გჭირდებათ, ცხოვრებისთვის ახალი გემოს მინიჭება. ის ამ ბოლო დროს ძალიან მტკნარი გახდა. ამაში სხვა ქვეყანაში ან ქალაქში მოგზაურობაც დაგეხმარებათ. ასევე, სცადეთ, რამე ახალი შთაბეჭდილება მიიღოთ: ჯირითი, პეინტბოლი, პარაშუტით ხტომა. ოღონდ სულელური რისკი არ გინდათ.
4. სახლი მთაში
თქვენ უბრალო და მშვიდობიანი ცხოვრება გჭირდებათ. ძალიან გადაღლილი ხართ. იდეალური ვარიანტი იქნება მიყრუებულ ადგილას გამგზავრება. დაანთეთ ღუმელი, მოიყვანეთ მოსავალი, იყოლიეთ ძროხა ან თხა. დაიძინეთ წვიმის ხმაურში, გაიღვიძეთ იასამნის სურნელით და ჩიტების სტვენით.
5. ტბა
თავისუფლება გჭირდებათ. თქვენი ახლანდელი ცხოვრება გახრჩობთ. თავი იგრძენით ნიავად, ნუ იფიქრებთ შედეგებზე, მოსწყდით ადგილს და გაფრინდით იქით, საითაც საკუთარი გული გიხმობთ.
6. მყუდრო ეზო
ნორმალური ცხოვრება გჭირდებათ. სრულიად ჩვეულებრივი, აღმასვლისა და ვარდნების გარეშე. შეეცადეთ, რაღაც მაინც მოიყვანოთ წესრიგში. შეადგინეთ დღის რეჟიმი და დაიცავით. გირჩევთ, ყოველდღე უცვლელად გქონდეთ: ვარჯიში, სადილის დრო, ძილის წინ სეირნობა.
7. შუქურა
თქვენ ოცნება გჭირდებათ, რაღაც იმედი. რაღაც, რასაც დაელოდებით, რომლისკენაც ივლით. რეალური ოცნება, რომელსაც შესასრულებლად ყველა შანსი აქვს, მაგრამ ამავდროულად ძალიან ადვილადაც არ უნდა მიიღწეოდეს. ოცნებისკენ მიმავალი გზა შრომაზე, გამოცდილებაზე, თმენასა და გამძლეობაზე უნდა გადიოდეს.
8. ტერასა წყალთან
შვებულება გჭირდებათ, ისეთ ადგილას დასვენება, სადაც ბევრი მზეა და არავითარი საზრუნავი არ გექნებათ. უკან დაბრუნებული ადვილად შეამჩნევთ, რამხელა ენერგიით ხართ სავსე.