თუ თოხლო კვერცხი გიყვართ...
ალტერნატიული მუსიკა მოგწონთ, ცხოვრებას პოზიტიურად უყურებთ, ამიტომ უფრო ხშირად ბედნიერი ხართ, ვიდრე უბედური. იცით, რომ წვიმას ყოველთვის მზე მოსდევს. თავისუფლების მოყვარული ხართ, ამიტომ სერიზული ურთიერთობის წამოწყების გეშინიათ. საპირისპირო სქესს მაგნიტივით იზიდავთ და ხშირად მათი გულის გატეხვა გიწევთ. მოგწონთ ფუფუნებაში ცხოვრება, მაგრამ ფულის გამო ყველაფერზე წამსვლელი არ ხართ. რაც მთავარია, სიმდიდრე მთავარ ფასეულობად არ მიგაჩნიათ.
თუ კარგად მოხარშული კვერცი გიყვართ...
თქვენს გონებაში სრული ქაოსია, გიჭირთ გადაწყვეტილებების მიღება. ცხოვრებაში ყველაზე ნაკლებად გაინტერესებთ საზოგადოების აზრი. დიდ მნიშვნელობას ანიჭებთ ადამიანის ფიზიკურ მხარეს, ამიტომ საკუთარ სხეულზე განსაკუთრებულად ზრუნავთ. რამდენიმე კილოგრამის მომატებასაც კი მტკივნეულად აღიქვამთ.
თუ ომლეტი გიყვართ...
დისციპლინირებული ადამიანი ხართ, სისუფთავე გიყვართ. ამ კუთხით პედანტადაც კი შეიძლება ჩაითვალოთ. კარგი მეოჯახე ხართ, გეხერხებათ ბავშვებთან ურთიერთობა და აღმზრდელობითი საუბრები. შინ დიდ დროს ატარებთ.
თუ ერთ მხარეს შემწვარი კვერცხი გიყვართ...
თქვენში შერწყმულია სიგიჟე და სიბრძნე. გიყვართ ქალაქგარეთ გასვლა და ბუნებაში განმარტოება. ამ დროს ბევრს ფიქრობთ, საკუთარ თავს უღრმავდებით, წერთ ან კითხულობთ. მუდმივად სიმშვიდეში ყოფნა არ შეგიძლიათ. ქალაქის ხმაური და ცხოვრების ჩქარი ტემპიც გჭირდებათ.
თუ ათქვეფილი კვერცხი გიყვართ...
კონსერვატული ხართ და სიახლეების მიღება გიჭირთ, მაგრამ ეს ადამიანებთან ურთიერთობაში ხელს არ გიშლით. პირიქით, თქვენში ისეთი ფასეულობები ჭარბობს, რომლებიც თანამედროვე სამყაროში თითქმის გაქრა.