Iphone: მოდის აქტიური მიმდევარი ხართ. ხალხის გულის მოგებას ხშირად სამოსით, აქსესუარებითა და ძვირად ღირებული ტექნიკით ცდილობთ. იმიჯისთვის ფულის ხარჯვა არ გენანებათ. მიგაჩნიათ, რომ სამყარო ძალიან პრაქტიკული გახდა, დედამიწაზე სენტიმენტებისა და გრძნობების ადგილი აღარ არის.
Nexus: კარგად ერკვევით ტექნიკაში. თქვენთვის მობილური მხოლოდ კომუნიკაციის ან სურათების / ვიდეოების გადაღების საშუალება არ არის. გიყვართ გართობა და მეგობრებთან ერთად დროის გატარება. სამუშაოს პასუხისმგებლობით ეკიდებით. ერთმანეთში არ ურევთ პირად ცხოვრებასა და საქმეს.
Samsung Galaxy: ყურადღების ცენტრში ყოფნა გიყვართ, დახვეწილი გემოვნება გაქვთ. თქვენთვის ფულს არანაირი მნიშვნელობა არ აქვს. შეიძლება მთელი ხელფასი ერთ დღეში დახარჯოთ. მიგაჩნიათ, რომ ცხოვრება სავსეა სასიამოვნო მომენტებით, რომლებიც კარგად უნდა დაიმახსოვროთ და თუ საშუალება გაქვთ „შეინახოთ“ კიდეც.
Sony Ericsson Aino: არტისტული ხართ, გიყვართ მუსიკა, აფასებთ ნებისმიერი სახეობის ხელოვნებას, ფიქრობთ, რომ მაღალი მატერიები და სულიერება მნიშვნელოვანია. თქვენი მობილური სავსეა ნიუანსებით (სურათები, მუსიკა, ჩანაწერები, მესიჯები), რომელიც თქვენი დაფარული მხარის შესახებ მრავალფეროვან ინფორმაციას იძლევა.
Nokia 3310: უყურადღებო და ხიფათიანი ხართ. ხშირად კარგავთ ან აფუჭებთ მობილურებს. ყოველთვის გეზარებათ ტელეფონის დატენვა. მობილურზე ლაპარაკს მესიჯობა გირჩევნიათ. ფინანსური პრობლემები გაქვთ.