თუ ფერადი ბოტასები მოგწონთ...
იშვიათად ვარდებით დეპრესიაში, თქვენთვის უცხოა სასოწარკვეთილება და მომავლის შიში. გაწონასწორებული ხართ. რთულია თქვენი გაბრაზება. აქტიური ცხოვრების ტემპი გაქვთ და ბევრი მეგობარი გყავთ. მიუხედავად იმისა, რომ ესქტრავერტი ხართ, იუმორში მოუკოჭლებთ.
თუ მაღალყელიანი კეdები მოგწონთ...
კვლევებმა აჩვენა, რომ ეს ადამიანები თავშეკავებულები და პატიოსნები არიან. ხალხზე იშვიათად ჭორაობენ. სამწუხაროდ, მათი აყოლიება ადვილია და ხშირად უარყოფითი გავლენის ქვეშ ექცევიან. ისინი ხშირად შესაძლებლობებს რეალურად ვერ აფასებენ და თვითკრიტიკულობა ახასიათებთ.
თუ წაწვეტებული კლასიკური ფეხსაცმელი მოგწონთ...
კარგი შემოსავალი გაქვთ. მიგაჩნიათ, რომ თვითრეალიზებული პიროვნება ხართ, მაგრამ წინ უფრო დიდი წარმატება გელოდებათ. გარშემომყოფების აზრით ჯიუტი ადამიანი ხართ. მოგწონთ ყურადღების ცენტრში ყოფნა. დიდად არ ნერვიულობთ პირადულ ურთიერთობებზე. თქვენი ფილოსოფია მარტივია: „სადაც წვრილია, იქ გაწყდეს.“ თქვენთვის მნიშვნელოვანია ფიზიკური მხარე. ზოგჯერ მეგობრებსა და პარტნიორებს მხოლოდ გარეგნული ნიშნით ირჩევთ.
თუ თქვენ ვანსები მოგწონთ...
ხშირად მოვლენებისგან განზე დგახართ, დამკვირვებლის და შემფასებლის პოზიციაში ყოფნა გიყვართ. თითქოს ცხოვრება ფილმია და ეკრანზე გადის, თქვენ კი კინოდარბაზში პოპკორნით ხელში ზიხართ და ყველაფერს გაფაციცებით ადევნებთ თვალ-ყურს. თქვენთვის მნიშვნელობა არა აქვს საზოგადოებრივ აზრს, მთავარია, საკუთარი გადაწყვეტილებების სისწორეში თავად იყოთ დარწმუნებული.
თუ ბაიკერული სტილის ბათინკები მოგწონთ...
აგრესიული ხართ. ცდილობთ, ყველა საკითხში პირველი იყოთ. ადამიანებს გამუდმებით თქვენს უპირატესობას უმტკიცებთ. ადვილად გამოდიხართ მდგომარეობიდან. შეგიძლიათ, ხელდახელ ჩხუბზე გდახვიდეთ და მოწინააღმდეგეს სასტიკად გაუსწორდეთ. ხალხის დიდ ნაწილს თქვენი ეშინია. ამას გრძნობთ და მოგწონთ. ძალაუფლების მოპოვებისკენ ხართ მიდრეკილი.
თუ სქელძირიანი მაღალქუსლიანები მოგწონთ (ე.წ. „ტანგეტკები“)...
თავდაჯერებული ხართ, ადვილად იღებთ გადაწყვეტილებებს. საზოგადოებაში თქვენი ძლიერი მხარის აფიშირებას ახდენთ და ოსტატურად მალავთ სისუსტეებს.
თუ „ბალეტკები“ მოგწონთ...
ნაზი და ქალური ხართ. თქვენ გვერდით პარტნიორი თავს ნამდვილ მამაკაცად გრძნობს. გეხერხებათ ადამიანებთან საუბარი, მათთვის რჩევების მიცემა და, ამასთან ერთად, არაჩვეულებრივი მსმენელი ხართ. გამოირჩევით მზრუნველობითა და ერთგულებით.
თუ მოგწონთ ფეხსაცმელი წვრილი და მაღალი ქუსლით...
კაშკაშა და ქარიზმატული ხართ. ადამიანებს თავს ადვილად ამახსოვრებთ. დახვეწილი სიარულის მანერა და კარგი მოთმინების უნარი გაქვთ. აცნობიერებთ, რომ „სილამაზე მსხვერპლს მოითხოვს“. ბევრი თაყვანისმცემელი და მტერი გყავთ. გამოირჩევით მებრძოლი ბუნებით. შეგიძლიათ, იყოთ ცინიკური და ირონიით სავსე.
თუ მოგწონთ მაღალქუსლიანი ფეხსაცმელი პლათფორმით...
ამბიციური ხართ. სამსახურს / სწავლას დიდ დროს უთმობთ. გჯერათ, რომ ნებისყოფა და შრომისმოყვარეობა წარმატების გასაღებია. სოციალური ქსელში აქტიურობთ. ხანდახან თქვენთვის ვირტუალური ურთიერთობები უფრო კომფორტულია.
