პირველი კარი
მიგაჩნიათ, რომ ყველაფერი გენიალური მარტივია, ბედნიერებისთვის ბანკის ანგარიშზე სოლიდური თანხა სულაც არ გჭირდებათ. არასდროს აზვიადებთ მოვლენებს. შორს ხართ დრამატულობისგან. უბრალო ადამიანებთან ურთიერთობა გსიამოვნებთ. ხანდახან მარტოც კარგად გრძნობთ თავს. მომავალში დიდ დროს გაატარებთ ოჯახთან ერთად. შეიძენთ რამდენიმე ახალ მეგობარს, რომელიც თქვენს მსოფმხედველობას გაიზიარებს. შეძლებთ მათთან ერთად მოკლე, მაგრამ საინტერესო მოგზაურობაში წასვლას.
მეორე კარი
თქვენი მიზანი გამდიდრებაა, თუმცა მშვენივრად ხვდებით, რომ ამისთვის თავდაუზოგავი შრომაა საჭირო. ფსიქოლოგების აზრით, ადამიანი, რომელიც ამ კარს ირჩევს, კარიერაზეა გადართული. შეუძლია გართობაზე და მეგობრებთან ურთიერთობაზე უარი თქვას, თუ ეცოდინება, რომ დააწინაურებენ ან პრემიით დააჯილდოვებენ. გაგიმართლათ! ყველა გეგმას განახორციელებთ და, რა თქმა უნდა, გამდიდრდებით. ეცადეთ, ამ რთული გზის გავლისას საყვარელი ადამიანები არ დაკარგოთ.
მესამე კარი
თქვენი მომავალი რისკით იქნება სავსე. მოგემატებათ სანერვიულო. გადაიღლებით ემოციურად და ძალიან დაგჭირდებათ სახლის სიმყუდროვე. სამაგიეროდ თქვენი ღვთისადმი რწმენა გამყარდება. ყოველ ნაბიჯზე იგრძნობთ, რომ ის გმფარველობთ. კრიზისის წარმატებით დაძლევის შემთხვევაში, შენიშნავთ, რომ ფსიქოლოგიურად გაძლიერდით. თუ დეპრესიაში ჩავარდებით, მნიშვნელოვანი არჩევანის წინაშე დადგებით: ან დეპრესიას უნდა სძლიოთ, ან ცხოვრება (და არა ასრებობა) შეწყვიტოთ.
მეოთხე კარი
ძალაუფლებას მოიპოვებთ, გაიზრდება თქვენი თვითშეფასება და გავლენა. მოგიწევთ საბედისწერო ბრძოლაში ჩართვა, მაგრამ ფორტუნა თქვენ მხარეს გადმოიხრება და აუცილებლად გაიმარჯვებთ. ვერავინ წაგართმევთ ქონებას/ადგილს/სტატუსს ან საყვარელ ადამიანს.
მეხუთე კარი
თქვენი მომავალი სტაბილურობას გპირდებათ. წვრილ-წვრილი პრობლემები, რომლებიც ახლა სერიოზულ სადარდებელად გეჩვენებათ, ადვილად მოგვარდება. შეიძლება, ის კომფორტი და სიმშვიდე, რომელშიც აღმოჩნდებით, თქვენთვის მომაბეზრებელიც კი გახდეს. განვითარდებით პროფესიულად, დიდი დრო გექნებათ ფილოსოფიურ საითხებზე დასაფიქრებლად. როგორც იქნა, საბოლოოდ ჩამოყალიბდებით, რა გსურთ და რა გზით უნდა განახორციელოთ გეგმები.
