თუ ვანილის ნაყინი გიყვართ...
იმპულსური და ემოციური ხართ. ჯერ მოქმედებთ და შემდეგ ფიქრობთ. რა თქმა უნდა, საქციელის ანალიზი კარგია, მაგრამ თუ შედეგებზე მანამდე იფიქრებთ, სანამ ნაბიჯს გადადგამთ, ცხოვრებაში ნაკლებ იმედგაცრუებას იგემებთ. მრავალფეროვანი ადამიანი ხართ, რომელსაც ინტერესის ბევრი სფერო აქვს. კარგად გამოხატავთ გრძნობებს და ახლობებს გასაგებ ენაზე უზიარებთ ფიქრებს.
თუ მარწყვის ნაყინი გიყვართ...
ინტროვერტი ხართ, ბევრს ფიქრობთ, მაგრამ ცოტას საუბრობთ. თქვენი ნაბიჯები ლოგიკურია. მოვლენებს ცივი გონებით აფასებთ და ემოციებს თრგუნავთ. პირადულ საკითხებსაც კი ობიექტურად შეგიძლიათ მიუდგეთ. ადამიანებს ეჭვის თვალით უყურებთ, სამაგიეროდ საკუთარ თავში ხართ დარწმუნებული. სიკეთეს ყოველთვის უანგაროდ თესავთ. მიგაჩნიათ, რომ არავინ არის ვალდებული, გასაჭირში დაგეხმაროთ.
თუ შოკოლადის ნაყინი გიყვართ...
ადვილია თქვენი მოხიბვლა, მაგრამ ინტერესიც სწრაფად გინელდებათ. მოგწონთ ადამიანებთან ფლირტი. ხშირად მოვლენებს აზვიადებთ, წვრილმანების ტრაგედიად გადაქცევის ,,დიდოსტატი" ხართ! შემოქმედებითი აზროვნება გაქვთ, ამიტომ სამყაროს თქვენებურად აღიქვამთ. გახასიათებთ აზარტულობა, რის გამოც ცხოვრებას ხანდახან თამაშივით აღიქვამთ.
თუ მოგწონთ შოკოლადიანი ნაყინი თხილით...
აგრესიული ხართ, მაგრამ მაინც შეგიძლიათ, ადამიანს ყურადღებით მოუსმინოთ. ადვილად აღწევთ წარმატებას. გაქვთ ქარიზმა, რომელიც ხალხს აიძულებს, გაპატიოთ შეცდომები. ცხოვრება წარმოუდგენლად გეჩვენებათ მძაფრი ემოციებისა და შთაბეჭდილებების გარეშე, ამიტომ ხშირად მოგზაურობთ (ან გინდათ, რომ მოგზაურობდეთ.)
თუ ხშირად მიირთმევთ ნაყინს ყავით...
მომავალზე კონცენტრაცია გიჭირთ, მას ბუნდოვნად აღიქვამთ, ვერ ისახავთ მიზნებს, მიჰყვებით ცხოვრების დინებას. თქვენთვის მნიშვნელოვანია, თავს სასურველად გრძნობდეთ და საყვარელი ადამიანისგან სითბოს იღებდეთ.
თუ თქვენ გიყვართ „ცისარტყელა“...
არც ისეთი უდარდელი ადამიანი ხართ, როგორც ერთი შეხედვით ჩანს. საზოგადოებაში ნიღაბს ირგებთ, არ გინდათ, რომ ხალხს რეალური ემოციები და გრძნობები დაანახოთ. ერიდებით განსხვავებული აზრის გამოთქმას, რადგან იცით, რომ ვერ გაგიგებენ.