თუ ბაცი ტონალობის ლაქს ისვამთ...
არ მოგწონთ, როცა ყურადღების ცენტრში ექცევით ან ზედმეტ კითხვებს გისვამენ. თქვენზე ამბობენ, რომ საკუთარ თავში ჩაკეტილი ადამიანი ხართ. ყოველთვის ზომიერებას იცავთ - როგორც ჩაცმა-დახურვაში, ასევე პირად ურთიერთობებში. ძველებური შეხედულებები გაქვთ, მაგრამ ეს განსაკუთრებულს გხდით. იშვიათად ეწინააღმდეგებით ადამიანებს. გეშინიათ კატეგორიული გადაწყვეტილებების მიღებისა და კონფლიქტების.
თუ ვერცხლისფერ ან ოქროსფერ ლაქს ირჩევთ...
ადამიანები, რომლებიც მეტალის ფერებს ირჩევენ, შარმით გამოირჩევიან. გიყვართ, როცა წვეულებების სული და გული ხდებით, სამსახურში აუცილებლად უნდა შენიშნონ თქვენი მისვლა. თავს საჭიროდ და შეუცვლელად უნდა გრძნობდეთ. საზოგადოებრივ ჩარჩოებს ებრძვით, ამიტომ მეამბოხეს გეძახიან.
თუ წითელი ლაქი მოგწონთ...
გიყვართ თავგადასავლები და გამუდმებით მათ ძიებაში ხართ. ადამიანებზე წარუშლელ შთაბეჭდილებას ტოვებთ. თქვენ ზურგს უკან საუბრობენ, რომ სექსუალური ხართ. რა თქმა უნდა, მამაკაცები გიჟდებიან თქვენზე, თქვენ ხომ საინტერესო, ამოუცნობი, ჯიუტი და მოულოდნელობებით სავსე ხართ.
თუ შავ ლაქს ისვამთ...
ამ ლაქს მოდის სფეროში მოტრიალე ქალები ისვამენ. მოსწოთ ხელოვნებით გატაცებულ ადამიანებსაც (მათ შორის კაცებს). მგრძნობიარე ხართ, ადვილად გეცვლებათ განწყობა, კრეატიული იდეების გენერატორად მიაჩნიხართ. სამყაროს არასტანდარტულად აღიქვამთ, ხან ძალიან დეპრესიული ხართ, ხან კი ჰიპერაქტიური.
თუ ხშირად იყენებთ ვარდისფერ ლაქს...
კარგი იუმორის გრძნობა გაქვთ, ამიტომ ადამიანეთან ურთიერთობა გიადვილდებათ. მარტივად იჩენთ მეგობრებს, ასხივებთ პოზიტიურ ენერგიას და სიცოცხლის სიყვარულს. ამბობენ, რომ გიჟი ხართ, მაგრამ, რა თქმა უნდა, კარგი გაგებით. შეგიძლიათ, ადამიანებს დაუვიწყარი და უბედნიერესი მოგონებები აჩუქოთ.
თუ ხშირად ისვამთ თეთრ ლაქს...
ლოგიკური და ორგანიზებული ხართ. არასდროს უღალატებთ თქვენს პრინციპებს. დამოუკიდებლად ადგენთ წესებს და თავად ირჩევთ, როგორ უნდა იცხოვროთ. ვერავინ მიგითითებთ, რა არის სწორი ან არასწორი. მაშინაც კი, თუ დაოჯახდებით, ქმრის მორჩილი ცოლი არ იქნებით. მის წინაშე ყოველთვის დააფიქსირებთ თქვენს აზრს და სთხოვთ, რომ გაითვალისწინოს. თქვენზე ამბობენ, რომ მკაცრი, მაგრამ სამართლიანი ხართ.
თუ ლურჯ ლაქს ირჩევთ...
სულიერ სიმშვიდეს და ჰარმონიას გრძნობთ. თქვენს ცხოვრებაში ყველაფერი რიგზეა. შეიძლება თავდავიწყებით შეყვარებული არ ხარ და არც ღრუბლებში დაფრინავთ ბედნიერებით, მაგრამ სტაბილურობის განცდა ხშირად გეუფლებათ. საკუთარი თავის მიმართ მომთხოვნი ხართ, ყოველ ჯერზე ახალ-ახალ გამოცდებს უწყობთ მას და აიძულებთ, გაუმჯობესდეს. არ დაგავიწყდეთ, რომ სრყულყოფლება ძალიან მოსაწყენია... და თქვენი ნაკლი განსაკუთრებულს გხდით.
