თუ თქვენ წიგნების მაღაზიაში შეხვიდოდით...
სიღრმისეული პიროვნება ხართ, რომელიც ადამიანების ამოცნობას და საკუთარი თავის უკეთ შესწავლას ცდილობს. ფილოსოფია და ფსიქოლოგია ის საკითხებია, რომლებზეც უსასრულოდ შეგიძლიათ ისაუბროთ. ეძებთ წიგნებს, რომლებიც ძალიან გამოცდილ ადამიანთან საუბარს უდრის, რადგან ინტელექტუალურ და სულიერ შიმშილს გრძნობთ.
თუ თქვენ ყვავილების მაღაზიაში შეხვიდოდით...
დიდ დროს უთმობთ საყვარელ ადამიანებს. ცოტა ხნის წინ შენიშნეთ, რომ ცხოვრება გადის, თქვენ კი, სხვებზე ზრუნვის გარდა, არაფერს აკეთებთ. (გიფასდებათ თუ არა, ეს სხვა საკითხია.) გინდათ, თქვენი ყოველდღიურობა ცოტა უფრო აქტიური და თავგადასავლებით სავსე გახადოთ. აფასებთ ხელოვნებას. გულში ბოღმას არ იტოვებთ. ადამიანებს გულს არ სტკენთ მწარე რეპლიკებით, თქვენში მინიმალური დოზითაა ცინიზმი.
თუ თქვენ ფეხსაცმლის მაღაზია აირჩიეთ...
საპირისპირო სქესის წარმომადგენლებმა ძალიან დაგღალეს. თუ პარტნიორი გყავთ, ერთი სული გაქვთ, გაექცეთ... ხოლო თუ უკვე დაშორდით, გგონიათ, რომ აღარასდროს წამოიწყებთ ახალ სასიყვარულო ურთიერთობას. შეწუხდით დაუსრულებელი გაურკვევლობებით, კონფლიქტებითა და მუდმივად სიმართლის მტკიცებით.
თუ თქვენ დისკების მაღაზია აირჩიეთ...
დაგღალათ ცხოვრების თანამედროვე, სწრაფმა ტიპმა. რატომ უნდა მიიჩქაროდეთ ყოველთვის სადღაც? რატომ უნდა გამოიყურებოდეთ თითქმის იდეალურად და მალავდეთ თქვენს, როგორც ფიზიკურ, ასევე სულიერ ნაკლს? მილიონი შეკითხვა გიტრიალებთ თავში. ხშირად დისკომფორტს განიცდით და აფორიაქებული ხართ. გინდათ, ყველაფერს შეეშვათ და ცოტა ხნით უკაცრიელ კუნძულზე ან მთაში განმარტოვდეთ და დაისვენოთ. მართლაც, არ გაწყენდათ სტრესული ფონის მოხსნა, რაშიც კლასიკური მუსიკა დაგეხმარებათ.