თუ თქვენს სამუშაო მაგიდაზე აურზაურია...
მხიარული და კომუნიკაბელური ადამიანი ხართ. სტიმულის გარეშე ადვილად გბეზრდებათ ერთი და იმავე საქმის კეთება, ამიტომ ცდილობთ, ნაირ-ნაირი ფერებითა და საკანცელარიო ნივთებით გაიმრავალფეროვნოთ მუშაობის პროცესი. თქვენ არ გჭირდებათ დიდი პირადი სივრცე. პირიქით, გირჩევნიათ მეგობრებსა და საყვარელ ადამიანს მთელი თავისუფალი დრო მიუძღვნათ. ალბათ მაგიდა უცნაურ ადგილას გიდგათ და ხშირად სხვებს გავლა-გამოვლაში ხელს უშლით. საქმე ისაა, რომ ამ „ხაფანგით“ თანამშრომლებს თუ ოჯახის წევრებს (გააჩნია, შინ მუშაობთ თუ ოფისში) თქვენთან კომუნიკაციას „აიძულებთ“.
თუ ძალიან მოწესრიგებული სამუშაო მაგიდა გაქვთ...
ამ შემთხვევაში მაგიდის ზედაპირზე მინიმალური რაოდნეობის ნივთი დევს - მაგალითად კომპიუტერი, კალამი და ბლოკნოტი. ორგანიზებული და ფრთხილი ხართ. ანალიტიკური აზროვნება გაქვთ. გეხერხებათ არგუმენტირებული მსჯელობა, ამიტომ საშიშ ოპონენტად მიიჩნევით. კარგი კონცენტრაციის უნარი გაქვთ. შეგიძლიათ, ხმაურშიც კი იმუშაოთ ან ისწავლოთ. ადამიანებმა იციან, რომ თქვენი ნდობა შეუძლიათ. ახლობელს გასაჭირში არასდროს მიატოვებთ. წინასწარ ადგენთ კვირის ან დღის გეგმას, ამიტომ კალენდარი თქვენი საუკეთესო მეგობარია. სამსახურში გაფასებენ და მნიშვნელოვან თამაშრომლად მიაჩნიხართ.
თუ თქვენი სამუშაო მაგიდა „ტრანსფორმერია“...
ასეთი მაგიდები თვალსა და ხელ შუა იზრდება ან მცირდება. ერთი თვის შემდეგ შეიძლება, ვეღარც კი იცნოთ. მასზე ხან ძალიან ბევრი წიგნი ან საბუთების ფაილია დახვავებული, ხან უამრავი ფურცელია დაწეპებული, ზოგჯერ კი ისეთი ცარიელია, მარტოსულობის შეგრძნებას გიტოვებთ. ასეთ მაგიდებთან ცვალებადი, აგრესიული, დომინანტური და მესაკუთრე ადამიანები სხედან. ისინი კბილებით იცავენ „თავის ტერიტორიას“. მაგიდის უჯრებს გასაღებითაც კი კეტავენ და ეს გასაღები მუდამ ჯიბით დააქვთ.
თუ თქვენს სამუშაო მაგიდაზე ყოველთვის დევს ყავა/ჩაი...
კრეატიული ინტელიგენტი ხართ, ყოველთვის რაღაცაზე ფიქრობთ. ინტერნეტში მუდამ ახალ ნფორმაციას ეძებთ. მოდიდან დაწყებული პოლიტიკით დამთავრებული, ყველაფერი გაინტერესებთ. არ გინდათ, რამე გამოგეპაროთ... გჯერათ, რომ ინფორმაცია ძალაა! კარგი წარმოსახვის უნარი აგქვთ, რაც ხშირად გეხმარებათ, როგორც კარიერაში, ასევე პირად ცოხვრებაში. კოლეგებთან კარგი ურთიერთობა გაქვთ. გიყვართ სურათების გადაღება.