წითელი
თუ წითელი გიყვარს, ხასიათით ქოლერიკი ხარ. გამბედაობა და წინააღმდეგობრივი ქცევა გახასიათებს. ხარ მოსიყვარულე და ვნებიანი. ხშირად გტანჯავს შფოთვა და მოუსვენრობა. გაითვალისწინე, რომ ამ ფერის ხშირი გამოყენება იწვევს ნერვული სისტემის გადატვირთვას და დაღლილობას.
ყვითელი
ყვითელი ფერის მოყვარული ადამიანები სანგვინიკები არიან. ხასიათდებიან ინტელქტით, ექსპანსიურობით, აქვთ გაძლირებული მხედველობითი აღქმა. ისინი დამოუკიდბლობისკენ ისწრაფვიან და საზოგადოებაში პატივისცმის მოპოვებას ცდილობენ. ამ ფერისადმი უპირატესობის მინიჭება მეტყველებს კომპლექსებისგან გათავისუფლების სურვილზე. მუქი ყვითელის მოყვარულ ადამიანებს კი სიძუნწე და ღალატი სჩვევიათ.
მწვანე
თუ მწვანე ფერი გიზიდავთ, შინაგანად შეესაბამებით ტემპერამენტის ფლეგმატურ ტიპს. მიზანმიმართული და შეუპოვარი ადამიანი ხართ. გახასიათებთ სიამაყე და გიყვართ მუდმივი ცვლილებები. ადამიანი, რომელიც უპირატესობას ანიჭებს მწვანე ფერს, თავისი შეხედულებების ერთგული და ბრძოლისუნარიანია. ეს ფერი იმედთან ასოცირდება.
ლურჯი
ლურჯი ფერის მოყვარულები მელანქოლიური ხასიათით გამოირჩევიან. მათ ახასიათებთ სიმშვიდე და მუდმივი კმაყოფილების განცდა. როგორც წესი, ისინი მოაზროვნეები და ერთგული ადამიანები არიან. ამ ფერისადმი უპირატესობის მინიჭება ნიშნავს, რომ სიწყნარის, დასვენების და ძალთა აღდგენის მოთხოვნილება გაქვთ.
ნაცრისფერი
თუ ნაცრისფერი შენი ფერია, ცნობისმოყვარე ყოფილხართ. თუმცა, ამ ფერის მოყვარულთ ზოგჯერ სჩვევიათ, ჩაიკეტონ საკუთარ თავში და გაემიჯნონ ყველასა და ყველაფერს. ნაცრისფერს უპირატესობას ანიჭებენ ისინიც, ვისაც საკუთარი ღირსების გამოვლენა არ სურთ.
იისფერი
იისფერი თუ გიყვართ, ბავშვური ხასიათი გქონიათ - ყველაფერი გიხარიათ და ადვილად გწყინთ. ინტლექტუალურად და ემოციურად ცოტა ჩამოუყალიბებელი ადამიანი ხართ. თქვენთვის პრიორიტეტულია, მოხიბლოთ ადამიანი და ყველასგან ქება დაიმსახუროთ. გიყვართ პასუხისმგებლობის თავიდან აცილება.
ცისფერი
ცისფერი ფერისადმი უპირატობის მინიჭება ადამიანის სიჯიუტეზე, ქედმაღლობასა და პიროვნების სისასტიკეზე მეტყველებს. ამ ფერს გააჩნია ტკივილგამაყუჩებელი თვისება, თუმცა მისი ხანგრძლივი ზემოქმედება დაღლასაც იწვევს.
ნარინჯისფერი
ნარინჯისფერის მოყვარულებს უყვართ კარგი ჭამა, გართობა, სიამოვნებას იღებენ ყველაფრისგან. ისინი ბედნიერები, ხალისიანები და ბავშვებივით ანცები არიან. ნარინჯისფერი დადებითად მოქმედებს ადამიანზე - ხელს უწყობს მუშაობის და განწყობის ამაღლებას.
თეთრი
თეთრის მოყვარულები მშვიდები, პოზიტიურები და ოპტიმისტები არიან. თქვენ გაქვთ თავდაცვის მოთხოვნილება და ამის გამო ხშირად მალავთ ემოციებს. თეთრი ფერი დაგეხმარებათ შინაგანი ჰარმონიის მიღწევაში.
შავი
ამ ფერისთვის უპირატესობის მინიჭება მეტყველებს ადამიანის სურვილზე, გაბედულად წინ აღუდგეს ნებისმიერ პრობლემას და ამ მიზნით აგრესიულადაც კი იმოქმედოს. ამ ადამიანებს საკუთარი ქცევისა და გადაწყვეტილების გაკონტროლება კარგად შეუძლიათ.