თუ თქვენ ბალახის სურნელი მოგწონთ...
ყოველთვის იღებთ იმას, რაც მთელი გულით გსურთ. თქვენი წარმატების საიდუმლო რწმენასა და შრომისმოყვარეობაშია, თუმცა უნდა ითქვას, რომ ბედიც გიღიმით. კომუნიკაბელური და მეგობრული ხართ. ხშირად გრძნობთ თავს ბედნიერად. სწორად ანაწილებთ დროს, ამიტომ ყველაფერს ასწრებთ: გართობასაც, დასვენებასაც და მუშაობასაც.
თუ თქვენ ბენზინის სუნი მოგწონთ...
აფასებთ განათლებას, ცდილობთ, ინტელექტი აიმაღლოთ. თქვენთვის უდიდესი სიამოვნებაა ინტელიგენტებთან ურთიერთობა. თუ ვინმეს თქვენი გახარება სურს, წიგნი ან საკითხავით სავსე პლანშეტი უნდა გაჩუქოთ. მოგწონთ, როცა ადამიანებს თქვენს ცოდნას უზიარებთ, მუდამ მზად ხართ მეგობრებისთვის პრაქტიკული რჩევის მისაცემად. თქვენთან ურთიერთობის შემდეგ ხალხი სამყაროს ახალი კუთხიდან აღქმას ახერხებს, რისთვისაც ხშირად გემადლიერებიან.
თუ თქვენ ნახარშის სუნი მოგწონთ...
ენერგიით სავსე ხართ, თქვენი ცხოვრება მრავაფეროვანი და საინტერესოა. ცდილობთ, ყველაფერს გაუსინჯოთ გემო. მოგწონთ თავაზიან ადამიანებთან ურთიერთობა, რადგან თავადაც არაკომფლიქტური ხართ. მეგობრისთვის /პარტნიორისთვის კომპრომისზე წასვლა შეგიძლიათ. საყვარელ ადამიანებს გასაჭირში არასდროს მიატოვებთ.
თუ თქვენ ბრიზის (ზღვიდან მონაქროლი ქარის) სუნი მოგწონთ...
რომანტიკოსი ხართ. გგონათ, რომ თანამედროვე სამყაროში ადამიანების დეფიციტია და კაცობრიობამ გრძნობები, ემოციები და ფასეულობები უკანა პლანზე გადაწია. ცდილობთ, პერიოდულად მაინც გაექცეთ პრაქტიკულ და ცივ რეალობას. ნაცნობებს თავს არ ახვევთ თქვენს სულიერ მდგომარეობას, მხოლოდ უახლოეს მეგობარს შეგიძლიათ გაუზიაროთ ფიქრები. ხანდახან უკიდეგანო სევდა მოგიცავთ ხოლმე, თუმცა მის დაძლევას ახერხებთ და მომავალს იმედით უყურებთ.
თუ თქვენ წვიმის სურნელი გიყვართ...
ცხოვრებაში ბევრი შეცდომა დაგიშვიათ, ზოგიერთ მათგანს საკუთარ თავს ვერ პატიობთ. თქვენი სული მიისწრაფის ცოდვების მონანიებისკენ. გსურთ, რომ საკუთარ თავში სისპეტაკის მარცვალი აღმოაჩინოთ. გიყვართ სიმშვიდე და მარტოობა. სიამოვნებას განიჭებთ ბავშვების ცქერა. ჩვილის დანახვისას მომენტალურად მისი დაცვის და მოფერების სურვილი გიჩნდებათ.
თუ თქვენ ყავის სურნელი მოგწონთ...
კარგად ერკვევით მოდაში, უდავოდ გემოვნებიანად იცვამთ, გამოირჩევით გარშემომყოფებისგან. ადვილია თქვენი დამახსოვრება. განსაკუთრებული აურა და ენერგეტიკა გაქვთ. მოგწონთ ფუფუნებასა და კომფორტში ცხოვრება. ცდილობთ, დიდი დრო არ გაატაროთ მარტოობაში, რადგან ამ შემთხვევაში ფილოსოფიურ საკითხებზე იწყებთ ფიქრს, ბევრი შეკითხვა გიჩნდებათ, პასუხების პოვნა კი გიჭირთ და ითრგუნებით.