თუ თქვენი თითის ანაბეჭდი პირველ ილუსტრაციას გაგონებთ...
მსგავსი თითის ანაბეჭდი ყველაზე მეტად ევროპელებშია გავრცელებული. მშვიდი ადამიანი ხართ, რომლისთვისაც აფეთქება და ისტერიკა უჩვეულოა. ცდილობთ, დაეხმაროთ გარშემომყოფებს, სწრაფად იძენთ მეგობრებს, ბეჯითი ხართ და საქმეს ყოველთვის გულმოდგინედ ეკიდებით. ვინაიდან პასუხისმგებლობას თავიდან არასდროს ირიდებთ, ადამიანები გენდობიან. ოჯახის წევრებისა და მეგობრებისთვის თქვენი მოსალოდნელი ემოციების გამოცნობა ადვილია. ბავშვივით ადვილად ცივდებით. ასეთ ადამიანებში ბევრ სანგვინიკს შეხვდებით. უჩვეულოა, მაგრამ ისეთ საქმესაც წარმატებით ართმევთ თავს, რომელიც არ მოგწონთ/არ გაინტერესებთ.
თუ თქვენი ანაბეჭდი მეორე ილუსტრაციას გაგონებთ...
თავდაჯერებული და ენერგიული ხართ. დასამახსოვრებელი მანერები გაქვთ და თქვენი თავდაჭერილობით, დგომის, ჯდომისა თუ სიარულის სტილით გარშემომყოფებისგან გამოირჩევით. რთულია თქვენნაირ ადამიანს აზრი შეაცვლევინონ, მაშინაც კი, თუ ხვდება, რომ ცდება. გიჭირთ სხვების მოსმენა და ახალ სიტუაციებთან სწრაფად ადაპტირება. შეგიძლიათ, პირადი ინტერესებისთვის ადამიანები გამოიყენოთ. ტიპური ქოლერიკი ხართ. გიყვართ ხელოვნება, მუსიკა და თეატრი. მართალია, ემოციებს მკვეთრად არ გამოხატავთ, მაგრამ ერთგული ხართ და მეგობარს სიყვარულს საქმით უმტკიცებთ, გასაჭირში არასდროს მიატოვებთ.
თუ თქვენი თითის ანაბეჭდი მესამე ილუსტრაციას გაგონებთ...
ადამიანები, რომლებსაც მესამე ტიპის თითის ანაბეჭდი აქვთ, ხელგაშლილობითა და კეთილშობილებით გამოირჩევიან. თანდაყოლილ ინტელექტსა და ნიჭს ფლობენ, ადვილად ითვისებენ ყველაფერს, კარგად აქვთ განვითარებული ალღო, ისინი ხშირად ერთდროულად რამდენიმე ადგილას მუშაობენ. სამწუხაროდ, სწრაფად კარგავენ ინტერესს საქმის მიმართ და ერთ ადგილას დიდხანს იშვიათად ჩერდებიან. ძალიან რთულია მათი ქცევების პროგნოზირება. ხშირად მალავენ რეალურ განცდებსა და ფიქრებს. უმეტესწილად ეჭვი ეპარებთ საკუთარ თავსა და გარშემომყოფებში. შედარებით ნელა საუბრობენ, ფლეგმატურები არიან.