თუ 1-ლი კარი აირჩიეთ...
თავისუფლების მოყვარული და დამოუკიდებელი ადამიანი ხართ. არ უსმენთ სხვის აზრს. მიგაჩნიათ, რომ სამყარო უამრავ შესაძლებლობას გვაძლევს, რომელიც უნდა გამოვიყენოთ. სამომავლოდ სწორად განსაზღვრავთ პრიორიტეტებს. არ აჩქარდეთ და შეგნებულად იმოქმედეთ. უახლოეს მომავალში სირთულეების გადალახვას შეძლებთ. წლის ბოლოს მნიშვნელოვანი ცვლილებები გელოდებათ. გექნებათ შესაძლებლობა, წარმატებას მიაღწიოთ.
თუ მე-2 კარი აირჩიეთ...
თქვენს ცხოვრებაში არსებობს ორი ძირითადი წესი: პირველი, რომ ყველა მნიშვნელოვანი გადაწყვეტილება მხოლოდ თქვენ უნდა მიიღოთ და მეორე, მაქსიმალური ძალისხმევა გამოიყენოთ მიზნის მისაღწევად. გაქვთ მიდრეკილება ფილოსოფიური აზროვნებისკენ. ცოტა ჩაკეტილი პიროვნების შთაბეჭდილებას ტოვებთ. გაგაჩნიათ საკუთარი უნიკალური ხედვა და ფასეულობები. უახლოეს რამდენიმე თვეში გარკვეული ფსიქოლოგიური დისკომფორტი შეგექმნებათ. ვიღაც შეეცდება, გეგმები აგირიოთ. საქმის ბოლომდე მისაყვანად სხვა გზის მოძებნა მოგიწევთ. არ შეგეშინდეთ სირთულეების, მათ ადვილად დაძლევთ.
თუ მე-3 კარი აირჩიეთ...
მიმზიდველი გარეგნობა და განსაკუთრებული ხიბლი გაქვთ, რაც ანდამატივით იზიდავს სხვებს. გიყვართ ყველაფრის კონტროლი. შეგიძლიათ, გულწრფელად თანაუგრძნოთ ტრაგედიაგამოვლილ ადამიანებს. თქვენთვის მატერიალური ფასეულობები არ არის მნიშვნელოვანი. მახვილგონიერი, მხიარული და ცნობისმოყვარე ხართ. გიყვართ მოგზაურობა და რისკი. უახლოესი მომავალი ნათელი და ფერადი იქნება. ახალი შთაბეჭდილებები და სასიამოვნო ნაცნობობა გელოდებათ. ახლა თქვენთვის ყველაზე მნიშვნელოვანია, არ გაიყინოთ ერთსა და იმავე ადგილას - ეს მიზნების მიღწევაში ხელს შეგიშლით.
თუ მე-4 კარი აირჩიეთ...
ძალიან გიყვართ სპონტანურობა. მოულოდნელი სიტუაციებისგან დიდ სიამოვნებას იღებთ. მთელი ცხოვრება ისეთ გასართობ საშუალებებს ეძებთ, რომლებიც სხვებს აფრთხობს. წელს თქვენი გეგმები შედარებით ნელა განხორციელდება. რისკების ალბათობა უფრო მეტია. ისწავლეთ მარტივად ცხოვრება. დაივიწყეთ ადრენალინი. წინანდელთან შედარებით უფრო მგრძნობიარე და ყურადღებიანი გახდებით. მომავალში ახალი მისწრაფებები გექნებათ. გაგიუმჯობესდებათ თვითშეფასებაც. თქვენი კარი სავსეა მოულოდნელობებითაც. ნათელი მომავალი და მდიდრული ცხოვრება გელით.
თუ მე-5 კარი აირჩიეთ...
მშვიდი და გაწონასწორებული ხასიათი გაქვთ. ყოველთვის თავისუფლებას ეძებთ. მზად ხართ, გაუმკლავდეთ ნებისმიერი ამოცანას. ფრთხილი და დაკვირვებული ხართ. მომავალში არჩევანის წინაშე აღმოჩნდებით. ასეთ დროს ინტუიციას ენდეთ. თქვენ უკეთ მიხვდებით, რომელი გზით სიარული იქნება საშიში. გადამწყვეტ მომენტებში ყოველთვის სწორად იქცევით - ეს არის თქვენი უპირატესობა. მიმდინარე წელი სურვილებისა და მიზნების შესრულებით იქნება სავსე. ახალ გამოცდილებას შეიძენთ. გექნებათ შესაძლებლობა, რომ შემოქმედებითი კუთხით განვითარდეთ.
თუ მე-6 კარი აირჩიეთ...
გიყვართ მშვიდი, სხვებისგან შეუმჩნევლად ცხოვრება. თავს არიდებთ კონფლიქტებს. მხოლოდ იმ შემთხვევაში იღებთ საქმეზე პასუხისმგებლობას, თუ ნათლად ხედავთ სარგებელს. ეს იმიტომ, რომ მიზანდასახული ქმედებები გიყვართ. აფასებთ საიმედო ურთიერთობებს. უახლოეს მომავალს მარტოობაში გაატარებთ, თუ უარს იტყვით შემოთავაზებულ წინადადებებზე. წლის დარჩენილ პერიოდში ახალი ნაცნობების შეძენისა და კარგი სამსახურის დაწყების პერსპექტივა გექნებათ. არ გაუშვათ შანსი ხელიდან. ცხოვრება კარგ მომავალს გიწინასწარმეტყველებთ.
