თუკი საყვარელ მამაკაცს კანფეტებით გაუმასპინძლდებით და კარგად დააკვირდებით, რას უშვრება კანფეტის ქაღალდს, მის ხასიათში მცირე ფსიქოლოგიური ექსკურსის ჩატარებას შეძლებთ.
ქაღალდისგან პატარა გემს აკეთებს, გამომგონებელია. ასეთ მამაკაცებს ექსპერიმენტები უყვართ და ავანტიურაზეც თანხმდებიან ხოლმე. თანაც სიახლის წყურვილი ინტიმურ ცხოვრებაშიც ვლინდება, ხანდახან თქვენი სურვილის გათვალისწინების გარეშეც. ამიტომ ყურადღებით იყავით.
თუ აკორდეონივით კეცავს, სერიოზულ საგონებელშია. როგორც ჩანს, რაღაც პრობლემები აქვს და გამოსავალი ჯერ არ უპოვია. შეგიძლიათ, ამაში დაეხმაროთ, მაგრამ პრობლემის გადაჭრით კი არა, დანარჩენის მოგვარებით. შეუქმენით მაქსიმალურად კომფორტული ყოფითი პირობები, მაშინ თქვენი მეგობარი მთელი სერიოზულობით მოგეპყრობათ.
როცა თქვენი რჩეული ქაღალდისგან ბურთს აკეთებს, შეიძლება, ვიფიქროთ, რომ ის დაიღალა რაღაც კონკრეტული საქმისგან კი არა, ყოველდღიური რუტინისა და საზრუნავისგან. თუ გსურთ, მისთვის აუცილებელი გახდეთ, მის ცხოვრებაში მრავალფეროვნების შეტანა სცადეთ: მოაწყვეთ ქალაქგარეთ გასეირნება, წადით თეატრში ან აჩუქეთ რომანტიკული საღამო სანთლებით.
მამაკაცები, რომლებიც ქაღალდს კონვერტად კეცავენ, როგორც წესი, პუნქტუალურები არიან და წესრიგი უყვართ. გარდა ამისა, ყოველთვის დასახული მიზნისკენ მიდიან, რადაც უნდა დაუჯდეთ, სულ ერთია, ეს კარიერას ეხება თუ ურთიერთობებს.
თუკი ქაღალდს ნაკუწებად ხევს, ყურადღებიანი და მომთმენი იყავით. როგორც ჩანს, სტრესი აქვს, რომლიდანაც ვერ გამოდის. ამ მდგომარეობაში შარიანია და ნერვული, ამიტომ ნუ გააღიზიანებთ და არ გააკეთოთ ისეთი რამ, რაც მას არ მოსწონს.
თუ ქაღალდს ასწორებს, ამ მამაკაცის ბუნებაში ვინმეზე ზრუნვის სურვილია ჩადებული. მართალია, ისიც სურს, რომ მასზე იზრუნონ. ასეთ მამაკაცთან ყოველთვის მშვიდად და კომფორტულად იქნებით.
თუ მილებად ახვევს ქაღალდს, ესე იგი, ამ მამაკაცს სიყვარულში იმედგაცრუება ხვდა წილად. მისგან ინიციატივის ლოდინი დიდხანს მოგიწევთ, ამიტომ თუ მოგწონთ, ყველაფერი თქვენს ხელში აიღეთ.
თუ ქაღალდს თოკივით გრეხს, ეს იმაზე მეტყველებს, რომ საკუთარ თავს ვერ ურიგდება. როგორც წესი, ასეთი მამაკაცები უამრავი კომპლექსისგან იტანჯებიან და ამიტომ მთელ ქვეყანას უბრაზდებიან. თუკი დაეხმარებით ამ პრობლემასთან გამკლავებაში, გულწრფელ მადლიერებას იგრძნობთ. უთხარით ხოლმე კომპლიმენტები, ხაზი გაუსვით მის დამსახურებებს – დაეხმარეთ თქვენს მეგობარს, ირწმუნოს საკუთარი თავის, ამით თქვენც ბევრს მოიგებთ.
