აირჩიეთ ხე და გაიგეთ, რას ფიქრობენ თქვენზე კოლეგები

ხე N1
თქვენ იღვწით, რომ საუკეთესო იყოთ. მიზნის მიღწევისთვის მზად ხართ, მთელი თქვენი დრო გამოიყენოთ. ხშირად ეკონომიური კეთილდღეობისთვის კი არა, იდეის გამოც გიმუშავიათ. მომთხოვნი ხართ როგორც საკუთარი თავისადმი, ასევე გარშემომყოფების მიმართ. ამასთანავე, ეგოისტი სულაც არ ხართ და სიამოვნებით უზიარებთ კოლეგებს თქვენს პროფესიონალურ საიდუმლოებებს.

ხე N2
თქვენთვის პირველ ადგილზე მატერიალური კეთილდღეობაა. მაღალი ხელფასისთვის მზად ხართ, არაკომფორტულ გარემოშიც იმუშაოთ. კოლეგები მკაცრ, მაგრამ სამართლიან ადამიანად გთვლიან. თქვენი ხელმძღვანელობის ქვეშ მოსწონთ მუშაობა, რადგან ზუსტ მიზნებს უსახავთ და არავის აძლევთ იმის უფლებას, რომ „თქვენი“ ხალხი დაჩაგროს.

ხე N3
თქვენი შეუცვლელი და შეუფასებელი თვისება კომუნიკაბელურობაა. შესანიშნავად პოულობთ საერთო ენას როგორც კლიენტებთან, ასევე კოლეგებთან. გსიამოვნებთ დიდ კოლექტივში მუშაობა და იქ სამართლიანად ითვლებით კომპანიის სულად და გულად.

ხე N4
პირველ რიგში, შემოქმედებითი ადამიანი ხართ, იდეების ნამდვილი გენერატორი, რისთვისაც ძალიან გაფასებენ კოლეგები. ამასთანავე, გამუდმებით სრულყოფილებისკენ ისწრაფვით და ამისთვის უდიდეს დროს უთმობთ თვითგანათლებას.

ხე N5
თქვენი უმთავრესი და უმნიშვნელოვანესი თვისება, რომელიც ყველაზე რთული სამუშაოს შესრულების დროსაც გეხმარებათ, სტრესის მიმართ გამძლეობაა. პრაქტიკულად, შეუძლებელია თქვენი წყობილებიდან გამოყვანა. თუნდაც სამსახურში აურზაური იყოს, ყოველთვის ინარჩუნებთ სიმშვიდეს და ცივი გონებით წყვეტთ ნებისმიერ პრობლემას. ამქვეყნად არაფერს შეუძლია, დასახული გზიდან გადაგახვევინოთ.

ხე N6
კოლეგები უდიდესი პასუხისმგებლობის გრძნობის მქონე ადამიანად გთვლიან. თქვენთან ერთად, ერთ გუნდში მუშაობა ძალიან სასიამოვნოა, რადგან არასოდეს არავის უღალატებთ. ზრუნავთ თქვენს კოლეგებზე და ყოველთვის მზად ხართ მათ დასახმარებლად. თანამშრომლებს შეუძლიათ, ნებისმიერ სიტუაციაში ჰქონდეთ თქვენი იმედი.

ხე N7
თქვენი საოცარი ქარიზმა უდიდეს ენთუზიაზმთან ერთად გეხმარებათ დაიცვათ საკუთარი ინტერესები. კოლეგები მიზანდასახულ ადამიანად გიცნობენ და ამისთვის ძალიან გაფასებენ.

ხე N8
ინტელექტუალური სამუშაოს ადამიანი ხართ. არ არსებობს ისეთი ამოცანა, რომელზეც პასუხი არ გექნებათ. კოლეგები ხშირად მოგმართავენ რჩევისთვის. არ გიყვართ ფიზიკური, ძალისმიერი შრომა და მხოლოდ გონებით აღწევთ დასახულ მიზნებს.

ხე N9
საოცრად ყურადღებიანი ხართ, გაინტერესებთ ყველაფერი და არ გეშინიათ გამოწვევების. ამ თვისებების გამო შეგიძლიათ ნებისმიერი თქვენი კოლეგის ჩანაცვლება, თუნდაც მისი საქმე სულ სხვა სპეციფიკის იყოს. სწორედ თქვენს უნივერსალურობას აფასებენ ყველაზე მეტად თქვენი თანამშრომლები.