“პირwელის“ ოფისში გამართულ პრესკონფერენციაზე ICDI-ის წარმომადგენელმა მერი კაპანაძემ განმარტა, რომ დამკვირვებლების მიერ ამომრჩეველთა მონაცემების გადამოწმების მიზნით, საჯარო ინფორმაციის გამოთხოვა არ წარმოადგენს საარჩევნო კანონდებლობის დარღვევას.
მისი თქმით, მსგავსი ხასიათის განცხადებები ხელს უშლის დამკვირვებელს უფლებამოსილების განხორციელებაში და შესაბამისად, აბრკოლებს მის თავისუფლებას, რაც საბოლოოდ, საფრთხეს უქმნის დემოკრატიული და თავისუფალი საარჩევნო გარემოს შენარჩუნებას.
„თბილისის საუბნო საარჩევნო ოლქებში კენჭისყრის დღის პროცედურების დაკვირვებისას გამოიკვეთა შემდეგი სახის ტენდენციები: ამომრჩეველთა დაბალი აქტივობა, 2014 წლის არჩევნებთან შედარებით; რიგი პოლიტიკური პარტიების, მედია საშუალებებისა და დამკვირვებელი ორგანიზაციების მხრიდან დეზინფორმაციის გავრცელება ამომრჩეველთა მონაცემების გადამოწმებასთან დაკავშირებით. განვმარტავთ, კიდევ ერთხელ, რომ საქართველოს საარჩევნო კოდექსის საფუძველზე დამკვირვებელს შეუძლია ამომრჩეველთა მონაცემების გადამოწმების მიზნით მოიძიოს საჯარო ინფორმაცია და აწარმოოს დაკვირვება, შესაბამისად, ზემოთ აღნიშნული გარემოება ხელს უშლის საარჩევმო გარემოს სამართლიან და დამოუკიდებლად წარმართვას; საარჩევნო პროცესი მთლიანად, მიმდინარეობს მშვიდ გარემოსა და კანონმდებლობით დადგენილი წესით. დემოკრატიულ ინიციატივათა საერთაშორისო ცენტრი მოუწოდებს ამომრჩევლებს მონაწილეობა მიიღონ კენჭისყრის დღის პროცედურებში და დააფიქსირონ საკუთარი არჩევანი. ამასთან, გაცნობებთ, რომ კენჭისყრაში მონაწილეობისათვის ამომრჩველებმა თან უნდა იქონიონ საქართველოს მოქალაქის პირადობის მოწმობა ანდა საქართველოს მოქალაქის პასპორტი“, -განაცხადა პრესკონფერენციაზე ICDI-ის წარმომადგენელმა.
„თავისუფალ პლატფორმაში“ რამდენიმე საერთაშორისო და არასამთავრობო ორგანიზაციაა გაერთიანებული. ორგანიზაციის წარმოამდგენლები ამომრჩეველს არჩევნების მიმდინარეობის შუალედურ ანგარიშებს „პირველში“ გამართული ბრიფინგების საშუალებით აწვდიან. „თავისუფალ პლატფორმაში“ გაწევრიანებული ორგანიზაციების დამკვირვებლები არჩევნების მიმდინარეობას მთელი საქართველოს მასშტაბით აკვირდებიან.
„თავისუფალ პლატფორმაში“ რამდენიმე საერთაშორისო და არასამთავრობო ორგანიზაციაა გაერთიანებული. ორგანიზაციის წარმოამდგენლები ამომრჩეველს არჩევნების მიმდინარეობის შუალედურ ანგარიშებს „პირველში“ გამართული ბრიფინგების საშუალებით აწვდიან. „თავისუფალ პლატფორმაში“ გაწევრიანებული ორგანიზაციების დამკვირვებლები არჩევნების მიმდინარეობას მთელი საქართველოს მასშტაბით აკვირდებიან.