ვიზალიბერალიზაცია
2017 წლის 26 მარტიდან, საქართველოს მოქალაქეებისთვის ევროპის ქვეყნებში მიმოსვლა ვიზის გარეშე გახდა შესაძლებელი.
ახალი წესების თანახმად, საქართველოს ნებისმიერ მოქალაქეს, ბიომეტრიული პასპორტის მეშვეობით, შეუძლია ყოველი 180 დღის მანძილზე 90 დღით ეწვიოს შენგენის ზონას.
ნახვამდის კაპიტანო
2017 წლის მაისში, საქართველოს რაგბის ნაკრები დატოვა მისმა კაპიტანმა მამუკა გორგოძემ.
ბორჯღალოსნების ყველა დროის საუკეთესო მოთამაშედ აღიარებულმა გორგოძემ, აღნიშნული გადაწყვეტილება მიიღო ასპარეზის ახალგაზრდებისთვის დათმობის მიზნით.
გუნდის დატოვების შესახებ გორგოძის გადაწყვეტილების გასაჯაროების შემდეგ, მას ემოციური წერილებით და პოსტებით დაემშვიდობა მთელი საქართველო.
მოქალაქეები კაპიტნის მიმართ მადლიერებას აქტიურად გამოხატავდნენ და წუხდნენ მისი კარიერის დასრულების გამო.
NBA (ნაციონალური საკალათბურთო ასოციაცია) -ს ქართველი ჩემპიონი
2017 წლის მაისის თვე მნიშვნელოვანი იყო კალათბურთის გულშემატკივრებისთვის, რადგან 12 მაისს ნაციონალური საკალათბურთო ასოციაციის ფინალური თამაში გაიმართა.
გამარჯვებული გახდა NBA –ს კლუბი „გოლდენ სტეიტ უორიორსი“ რომლის წევრიც გახლავთ ქართველი კალათბურთელი ზაზა ფაჩულია.
აღნიშნული გამარჯვება მნიშვნელოვანი გახლდათ საქართველოსთვისაც, რადგან ამ დღეს, ზაზა ფაჩულია გახდა პირველი ქართველი კალათბურთელი, რომელმაც მოიგო NBA -ს თასი.
მსოფლიო ფეხბურთის ლეგენდები საქართველოში
2017 წლის 29 სექტემბერს, საქართველოს მსოფლიო ფეხბურთის ლეგენდები ეწვივნენ და ქართველ ვეტერან ფეხბურთელებს დინამოს სტადიონზე დაუპირისპირდნენ.
აღნიშნული მატჩი საქველმოქმედო ხასიათს ატარებდა.
ბილეთების გაყიდვიდან შემოსული თანხა ბორჯომის ხანძრის დროს დაზიანებული ტყის აღდგენით სამუშაოებს მოხმარდა.
ღონისძიების ფარგლებში, თბილისში იმყოფებოდნენ:
ფრანჩესკო ტოტი
რონალდო
პაოლო მალდინი
კარლეს პუიოლი
დიდა
ანდრეი შევჩენკო
ხავიერ ძანეტი
ზვონიმირ ბობანი
სერჟინიო
ლუკა ტონი
ჰერნან კრესპო
ვინსენტ კანდელა
მარეკ იანკულოვსკი
ალესანდრო კოსტაკურტა
დემეტრიო ალბერტინი
დინო ბაჯო,
მასიმო ამბროზინი,
მასიმო ოდო,
მარკო დელვეკიო,
სებასტიან ფრეი,
ანჯელო დი ლივიო,
ენრიკო ანონი,
კრისტიან აბიატი,
სებასტიანო როსი,
ჯუზეპე ფავალი,
მაურო ტასოტი,
ანჯელო კარბონე,
ივან კორდობა,
დარიო შიმიჩი,
იბრაჰიმ ბა პიეტრო ვერხოვოდი
ფეხბურთელების გარდა, 2017 წელს, საქართველოში იმყოფებოდნენ საერთაშორისო დონეზე ცნობილი მუსიკოსებიც, კერძოდ: ჯემი როქვაი, ბიორკი, ჯგუფი აეროსმიტი და სხვა.
თბილისის ახალი მერი
2017 წლის ოქტომბერში, დედაქალაქის მერის არჩევნებში გაიმარჯვა ყოფილმა ფეხბურთელმა, საქართველოს ენერგეტიკის ყოფილმა მინისტრმა და საქართველოს ყოფილმა ვიცე პრემიერმა კახი კალაძემ.
საარჩევნო ხმების დათვლის შედეგად აღმოჩნდა, რომ კალაძეს ხმა მისცა არჩევნებზე მისული მოსახლეობის 51,13% -მა.
ახალი სამომხმარებლო ონლაინ სესხი Kimbi
2017 წლის 25 ოქტომბერს, საერთაშორისო ფინანსურმა კომპანიამ 4finance, ქართულ საზოგადოებას წარუდგინა საკუთარი ბრენდი Kimbi.
Kimbi გახლავთ ბრენდი, რომელიც გასცემს გრძელვადიან სესხებს ონლაინ რეჟიმში.
აქ ხელმისაწვდომია 500 -დან 3 ათას ლარამდე სამომხმარებლო სესხები 3 -დან 24 თვემდე ვადით.
თანხის მისაღებად უნდა ეწვიოთ ვებგვერდს kimbi.ge, შეავსოთ ონლაინ განაცხადი სესხზე და კრედიტის დამტკიცების შემთხვევაში თანხას სწრაფად და მარტივად, რამდენიმე წუთში მიიღებთ პირად საბანკო ანგარიშზე.
დეკრიმინალიზაცია
2017 წლის ნოემბერში, საქართველოში მარიხუანას დეკრიმინალიზაცია მოხდა.
აღნიშნული გადაწყვეტილება საკონსტიტუციო სასამართლოს მიერ იქნა მიღებული.
სამართლებრივი ორგანოს წარმომადგენელთა განმარტებით, აღნიშნული გადაწყვეტილება მიღებულ იქნა იმ ფაქტის გათვალისწინებით, რომ მარიხუანას მოხმარება გახლავთ ადამიანის პირადი ავტონომიის დაცულ სფეროში შემავალი ქმედება.
