ცეკვების პრეზენტაციამ დიდი გამოხმაურება და მოწონება დაიმსახურა ინტერნეტ მაყურებელში. შეიძლება თამამად ითქვას, რომ სიახლემ გაამართლა. ქართული ცეკვის მოყვარულებმა უკვე დააფიქსირეს საკუთარი დადებითი ემოციები ახალი ანსამბლის მიმართ. როგორც ჩვენთვის ცნობილი გახდა, ანსამბლი ბაკურ და ბესო ბაკურაძეებმა ნახევარი წელია რაც ჩამოაყალიბეს. "არტ ლაბორატორიამ" პირველი სერიოზული განაცხადი უკვე გააკეთა, ანსამბლის პირველ ვიდეორგოლს ვ. დოლიძის ,,ქართული" გავრცელებიდან სულ მოკლე დროში 20000 მეტი ნახვა დაუგროვდა. გუშინ კი გავრცელდა რიგით მეორე ვიდეორგოლი, სახელწოდებით "ყირამალა", სადაც "არტლაბორატორიის" სოლისტები "ქართული ხმების" მიერ შესრულებულ ნ. დიასამიძის სიმღერაზე რაჭულ ცეკვას ასრულებენ. როგორც ანსამბლის ოფიციალური გვერდი იუწყება, ანსამბლი ქართველ მაყურებელს მთელი მარტის თვის მანძილზე ახალი ვიდეორგოლების პრემიერებით გაანებივრებს. ვულოცავთ ქართული ცეკვის მოყვარულებს "არტ ლაბორატორიის" დაბადებას, ახლადშექმნილ ანსამბლს კი წარმატებებს ვუსურვებთ.
"არტ ლაბორატორია" - ახალი ანსამბლი, რომელმაც პირველი სერიოზული განაცხადი უკვე გააკეთა
ამბები
ორი დღის წინ ინტერნეტ სივრცეში გამოჩნდა ქართული ცეკვის ახალი ანსამბლი "არტ ლაბორატორიას" სახელით. ანსამბლს ბაკურ და ბესო ბაკურაძეები ხელმძღვანელობენ.
© ყველა უფლება დაცულია MELON
