აღნიშნული საკითხის გადასაჭრელად, მნიშვნელოვან როლს შეასრულებდა სექსუალური განათლების მიცემა მოსწავლეებისა და სტუდენტებისთვის. აქ, რასაკვირველია, იგულისხმება შესაბამისად მომზადებული, გულდასმით შერჩეული ინფორმაცია, რომელიც აკადემიური ფორმით მიეწოდება განათლების მიმღებს.
რა სარგებლობას მოგვიტანს სექსუალური განათლება?
გავიგებთ მეტს, ოჯახის დაგეგმვის/კონტრაცეფციის, ჯანსაღი ცხოვრების წესის, ჰარმონიულ ურთიერთობების, ინფორმირებული არჩევანის შესახებ და გვექნება ნაკლები არასასურველი ორსულობა, შესაბამისად, აბორტებისა და აბორტით გამოწვეული გართულებების მცირე ალბათობა;
ამასთანავე, ორსულობასთან დაკავშირებით ერთ-ერთი ყველაზე მნიშვნელოვანი კომპონენტია დაზღვევა. საჭიროა, ორსულობა წინასწარ დაიგეგმოს და განისაზღვროს სამომავლო გეგმები. დაზღვევა ორსულობის დროს პაციენტებს თავიდან ააცილებს არასასიამოვნო ხარჯებს, რაც ასეთ შემთხვევაში საკმაოდ მაღალ ბიუჯეტსა და დიდ დანახარჯებს მოითხოვს. სახელმწიფო პროგრამა მხოლოდ 500 ლარს ანაზღაურებს, რაც საკმარისი არ არის მშობლისა და ნაყოფის ჯანმრთელობისთვის.