„დანკინის“ ახალი რესტორანი თავისი ერგონომიკით აბსოლუტურად განსხვავებულია „დანკინის“ ყველა სხვა რესტორნისგან. „დანკინის“ ამ რესტორნის შექმნა „ლოფტის“ სტილში გადაწყდა და ის მართლაც უნიკალური გამოვიდა. ამ რესტორანში ყველაფერი მოსახერხებელი, პრაქტიკული და ეფექტურია, როგორც ამას „ლოფტის“ სტილი ითვალისწინებს. „ლოფტი“ ამერიკული წარმომავლობისაა და ის სათავეს იღებს ფაბრიკული ნაგებობებიდან, საწყობებიდან, სახელოსნოებიდან... ჩვენმა დიზაინერებმა თბილისის ამ ძველ უბანში საგანგებოდ გაასუფთავეს კედლები აგურის ფენამდე, რაც ვიზუალურად კვეთს სივრცეს, და რესტორნის მოსაწყობად უმთავრესად ნატურალური მასალა გამოიყენეს. „დანკინის“ ამ რესტორანში ნახატებიც კი განსაკუთრებულია და ისინი სპეციალურად „დანკინის“ თემატიკაზეა შექმნილი. რაც ყველაზე მთავარი და ძალზე სასიხარულოა, ამ რესტორანმა პირველი წუთებიდანვე მიიპყრო როგორც ქართველი, ისე უცხოელი ტურისტების ყურადღება. რესტორანში სასიამოვნო ოჯახური გარემოა შექმნილი“, – აცხადებს „დანკინის“ გენერალური დირექტორი გიორგი მშვილდაძე.
„დანკინი“ უდავო ლიდერია საქართველოში ყავისა და ყავის პროდუქტების რესტორნების ინდუსტრიაში. კომპანიის პოზიციები კიდევ უფრო გაძლიერდება რებრენდინგის შემდგომ, რომელიც ამჟამად მიმდინარეობს. კერძოდ, მთელ მსოფლიოში „დანკინ დონატსის“ რესტორნები მომავალში „დანკინის“ ბრენდით იქნება წარმოდგენილი“, – აცხადებს მშვილდაძე.
გამორჩეული ხარისხის იტალიურ ესპრესოზე დამზადებული 20-ზე მეტი სახეობის ცივი და ცხელი ყავის მოყვარულთათვის „დანკინი“ თავშეყრის შეუცვლელი ადგილი გახდა. ყავის პროდუქტების გარდა, „დანკინის“ რესტორნებში წარმოდგენილია 20-ზე მეტი სხვადასხვა სახეობის სენდვიჩი, ქართული საცხობის პროდუქტები, საუზმე გრანოლათი და სხვა. კომპანიის ბრუნვის 25% ყოველდღიურად ახალ, მრავალფეროვან დონატებსა და ფრანგულ ფუნთუშეულზე მოდის, რომლებიც თბილისში არსებულ დონატების ქარხანაში იწარმოება და დღეში ორჯერ მიეწოდება „დანკინის“ რესტორნებს. „ვენდის“ რესტორნებისთვის კი, „მეტი ქართული პროდუქტის“ ინიციატივის ფარგლებში 2017 წლიდან პური, საქონლისა და ფრინველის ხორცი საქართველოში მზადდება.