ქართულ-ფრანგული სასტიპენდიო პროგრამები და თანამშრომლობა საგანმანათლებლო სფეროში

ამბები

8 აპრილი 10:59

5 აპრილს „ფრანგული ინსტიტუტისა“ და საქართველოში საფრანგეთის საელჩოს ორგანიზებით, ეროვნულ ბიბლიოთეკაში საგანმანათლებლო სფეროში ფრანგულ-ქართული თანამშრომლობის საკითხებისადმი მიძღვნილი ოფიციალური ღონისძიება გაიმართა.

ღონისძიების სტუმრებს მიესალმნენ: საფრანგეთის ელჩი საქართველოში - პასკალ მენიე და საქართველოს განათლების, მეცნიერების, კულტურისა და სპორტის მინისტრის მოადგილე ნათია ზედგინიძე-ჯიშკარიანი.


ღონისძიებაზე შედგა განახლებული ფრანგულ-ქართული სასტიპენდიო პროგრამის პრეზენტაცია და მემორანდუმის ოფიციალური ხელმოწერა. მემორანდუმს ხელი ფრანგული ინტიტუტის ხელმძღვანელმა პიერ კლუემ და განათლების საერთაშორისო ცენტრის დირექტორმა ნინო ჭელიძემ მოაწერეს.


ფრანგულ-ქართული სამაგისტრო სტიპენდია საქართველოში საფრანგეთის საელჩოს, ფრანგული ინსტიტუტისა და განათლების საერთაშორისო ცენტრის  ერთობლივი პროგრამაა, რომლის ფარგლებშიც ყოველ სასწავლო წელს საქართველოს მოქალაქეებს საფრანგეთის უმაღლეს სასწავლებლებში ფრანგულ და ინგლისურენოვან სამაგისტრო პროგრამებზე სწავლა დაუფინანსდებათ. სასტიპენდიო პროგრამა 2021 წლის ჩათვლით განხორციელდება და მის ფარგლებში ათეულობით ქართველი სტუდენტი შეძლებს საფრანგეთის უნივერსიტეტებში სწავლას.


ხელმოწერის შემდეგ მხარეებმა მიმდინარე სასტიპენდიო პროგრამის გამარჯვებულებიც გამოავლინეს და მათ სერტიფიკატები გადასცეს. 2019-2020 სასწავლო წელს 15 სტიპენდია გაიცემა და საქართველოს მოქალაქეებს ფრანგულ უმაღლეს სასწავლებლებში 1 აკადემიური წლით დაუფინანსდებათ სწავლა. სასტიპენდიო პროგრამის პრიორიტეტული მიმართულებებია: აგრარული მეცნიერებანი; განათლება; ინჟინერია; საბუნებისმეტყველო მეცნიერებანი; სოციალური მეცნიერებები; ჰუმანიტარული მეცნიერებანი; სამართალი; არქიტექტურა; საჯარო მმართველობა და მენეჯმენტი.


საგანმანათლებლო სფეროში ფრანგულ-ქართული თანამშრომლობის საკითხებზე პრეზენტაციის ფორმატში ისაუბრეს: განათლების საერთაშორისო ცენტრის ხელმძღვანელმა ნინო ჭელიძემ, კამპუს ფრანსის  რეგიონულმა დირექტორმა ოლივიე შიშ - პორტიშმა, საქართველოში ფრანგული ინსტიტუტის დირექტორმა - პიერ კლუემ და სხვა მოწვეულმა სტუმრებმა.


საგანმანათლებლო სფეროში საფრანგეთი საქართველოს ერთ-ერთი მთავარი პარტნიორია. სტუდენტთა მობილობის შესახებ იუნესკოს სტატისტიკის მიხედვით, ქართველი სტუდენტებისთვის საფრანგეთი ევროკავშირში რიგით მეორე მიმართულებას წარმოადგენს. ხელმოწერილია ERASMUS +  მობილობის თხუთმეტი შეთანხმება. ასევე, უნივერსიტეტებს შორის ორმხრივი თანამშრომლობის 22 ხელშეკრულება. უკვე ფუნქციონირებს სამი ორმაგი დიპლომის პროგრამა (ინფორმატიკა, საზოგადოებრივი ჯანდაცვა და მედიცინა, მართვა). იმის გათვალისწინებით, რომ 5 ქართული უნივერსიტეტი ფრანკოფონიის საუნივერსიტეტო სააგენტოს წევრია, მათ შეუძლიათ ისარგებლონ პროფესიულ სწავლებაზე ორიენტირებული პედაგოგიური კურსით ფრანგულ ენაზე (როგორც, მაგალითად, ტურიზმისა და ინოვაციების სფეროზე ადაპტირებული ფრანგული ენის კურსი, ონლაინ სწავლების საშუალებით).


ამასთანავე, კამპუს ფრანსის წარმომადგენლობა, საფრანგეთის მიმართულებით მობილობის წახალისების მიზნით, სტუდენტებს  უფასო საინფორმაციო და საკონსულტაციო მხარდაჭერას უწევს.


ორმხრივი თანამშრომლობის განვითარების ახალ ეტაპს, ფრანგულ-ქართული უნივერსიტეტის  დაარსება წარმოადგენს. 2018 წლის 26 მაისს საფრანგეთის საგარეო საქმეთა და ევროპის სამინისტროსა და საქართველოს განათლების სამინისტროს შორის ხელმოწერილი მნიშვნელოვანი ორმხრივი შეთანხმებით დაფუძნებული ამბიციური პროექტის მიზანს წარმოადგენს ფრანგულ და ქართულ უნივერსიტეტებს შორის  ორმაგი დიპლომების ამოქმედება როგორც ტურიზმის, ასევე სოფლის მეურნეობისა და ინფორმატიკის მიმართულებით. 

დღის ჰოროსკოპი

27 ივნისის ასტროლოგიური პროგნოზი

რას გვირჩევენ ვარსკვლავები 27 ივნისისთვის ჯანმრთელობის, ბიზნესის და სიყვარულის მიმართულებით?
კინო

2019 წლის საუკეთესო კომედიები

2019 წლის პირველ ნახევარში კარგი კომედიების მდიდარი „მოსავალი მოვიდა“. ჩვენ კი გირჩევთ, აუცილებლად „დააგემოვნოთ“...
საკნატუნო ამბები

რა უნდა იცოდეთ ხარაჩოს შესახებ, ვიდრე მის შეძენას ან დაქირავებას გადაწყვეტთ

დღეს ხარაჩოების გარეშე წარმოუდგენელია ნებისმიერი ტიპის მშენებლობა - კერძო სახლიდან დაწყებული, მაღალსართულიანი ან რთული კონსტრუქციის მქონე შენობებით დამთავრებული.
ურთიერთობა

როგორ ავიცილოთ ჩვენკენ მომართული ნეგატივი? 4 რჩევა ემოციური ადამიანებისთვის

ცუდი განწყობა „გადამდებია“. თქვენ ირგვლივ სხვა ადამიანებისგან გამოხატული ემოციები - შიში, მრისხანება, გულგრილობა - ნეგატიური ენერგიაა, რომელმაც შეიძლება, თქვენზე მძიმედ იმოქმედოს, თანაც ისე, რომ ვერც მიხვდეთ, რა გემართებათ.
დღის ჰოროსკოპი

26 ივნისის ასტროლოგიური პროგნოზი

რას გვირჩევენ ვარსკვლავები 26 ივნისისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

სახლში რემონტი გაქვთ? გაიგეთ, გიღირთ თუ არა გასაჭიმი ჭერის გაკეთება

ჭერი ინტერიერის ყველაზე ხილული დეტალია - სრულიად პირდაპირი მნიშვნელობით. თუ ის იდეალური არ არის, რაც არ უნდა ლამაზი კედლები და იატაკი გქონდეთ, ოთახი პეწს კარგავს. ჭერის დეფექტებს ვერც ავეჯით დაფარავთ, ვერც ხალიჩით და ვერც ჭაღით.
საკნატუნო ამბები

წყალქვეშა სამყარო და არავითარი ფოტოშოპი!

შენონ ლია მაიერსი (Shannon Leah Myers) - 31 წლის დაივერი ახალი ზელანდიიდან. მის ფოტოებზე წყალქვეშა სამყარო მთელი თავისი დიდებულებითაა წარმოდგენილი: მარჯნის რიფებით, უცნაური წყალმცენარეებით, კაშკაშა კენჭებითა და ზღვის უამრავი ბინადრით.
ამბები

წარმატებული კომპანიების ბიზნესმოდელები

ინოვაციურ ბიზნესმოდელირებასთან დაკავშირებით ნებისმიერი ნაყოფიერი მსჯელობის ათვლის წერტილი საერთო წარმოდგენის ჩამოყალიბებაა ბიზნესმოდელის არსის შესახებ.
დღის ჰოროსკოპი

25 ივნისის ასტროლოგიური პროგნოზი

რას გვირჩევენ ვარსკვლავები 25 ივნისისთვის ჯანმრთელობის, ბიზნესისა და სიყვარულის მიმართულებით?
საკნატუნო ამბები

90-იანების 25 ვარცხნილობა - შეაფასეთ დღევანდელი გადასახედიდან

1990-იან წლებში ინტერნეტი ჯერ მხოლოდ ფეხს იდგამდა და არ არსებობდა სოციალური ქსელები, სადაც ყოველთვის არის „მოხალისე“, შენი ვარცხნილობა გულმოდგინედ რომ განიხილოს. ჰოდა, ამიტომ გთავაზობთ, დღეს შეაფასოთ და კომენტარებიც არ დაიზაროთ.
საკნატუნო ამბები

(+18) ბუნებრივი, გულწრფელი და დაუცველი სიშიშვლე (20 ფოტო)

ტანსაცმელს ზედმეტი ინფორმაცია მოაქვს, ამიტომაც ფოტოგრაფი შიშველი ქალების ფოტოგრაფირებას ანიჭებს უპირატესობას.   
დღის ჰოროსკოპი

24 ივნისის ასტროლოგიური პროგნოზი

რას გვირჩევენ ვარსკვლავები 24 ივნისისთვის ჯანმრთელობის, ბიზნესისა და სიყვარულის მიმართულებით?