კამპანიის ფარგლებში რამდენიმე ოჯახს სურსათ-სანოვაგე კომპანიის თანამშრომლებმა სახლში მიუტანეს.
„ვფიქრობთ, ამ სიტუაციაში ყველა უნდა გავერთიანდეთ და ჩვენი შესაძლებლობის ფარგლებში დავეხმაროთ იმ ოჯახებს, რომლებსაც ეს ძალიან სჭირდებათ. იმედი მაქვს, ჩვენს წამოწყებას სხვა კომპანიებიც შეუერთდებიან, მათი მუშაობის არეალში მცხოვრებ ოჯახებს დაეხმარებიან და ასე, ერთიანი ძალისხმევით ყველაფერს გავუმკლავდებით“, - აღნიშნა კომპანია New Road-ის გენერალურმა დირექტორმა დავით ჟღენტმა.
აქციის ფარგლებში New Road-ისგან საკვები პროდუქტები ჩოხატაურში მცხოვრებ იმ 31 ოჯახს გადაეცა, რომლებსაც საკუთარი ჭერი არ გააჩნიათ და მუნიციპალიტეტის მიერ გადახადილი ქირით ცხოვრობენ. ხოლო სოფელ დვაბზუში, სადაც კომპანიის ასფალტის ქარხანა მდებარეობს, New Road-ი 5 მრავალშვილიან ოჯახს და 6 მარტოხელა მოხუცს დაეხმარა.
