ზურაბ თალაკვაძე: I am Iron Man

არაჟურნალისტურ ამპლუაში

25 თებერვალი 20:00, 2018 წელი

„მინდა, იარების გაქრობა შემეძლოს. ეგრევე, ხელის დადებით, როგორც „მწვანე მილშია“, როდესაც ჯონ კოფი სხვის ტკივილს იღებს...“ - ჟურნალისტ ზურაბ თალაკვაძეს დღეს არაჟურნალისტურ ამპლუაში წარმოგიდგენთ...

სახელი: ზურაბ


გვარი: თალაკვაძე


სამუშაო ადგილი: ტელეკომპანია „სილქი“, მარნეულის „დელტა“, ლაშა ტალახაძის მენეჯერი.


რომ არ ვყოფილიყავი ჟურნალისტი, ვიქნებოდი...  ანესთეზიოლოგი. არ მიყვარს ტკივილი.


ყველაზე მეტად ჩემს პროფესიაში მომწონს... თავისუფლება, ბევრი ფერი. ის, რომ ფიქრის დროს არ მჭირდება სუპინატორი.


ყველაზე დასამახსოვრებელი  რეპორტაჟი... როდესაც 2013-ში „სან ანტონიომ“ ფინალის მეშვიდე თამაში „მაიამისთან“ წააგო. პირდაპირ ეთერში მოდიოდა სიცარიელე და ამავე დროს, სიამაყე, რომ მე ამ გუნდის გულშემატკივარი ვარ. დამშვიდობების დროს ეკრანს ვერ ვხედავდი, მაგრამ ვგრძნობდი, რომ შემდეგ სეზონში მე „სან ანტონიოსთან“ ერთად დავბრუნდებოდი და „მაიამისთვის“ უნდა მოგვეგო. მოვიგეთ. ალბათ, ყველაზე მშვიდი და ბედნიერი ვიყავი. დამშვიდობების დროს ვიგრძენი, რომ ხმა ამიკანკალდა, ალბათ, სიამაყის ცრემლები წამომივიდა და როდესაც ტიმ დანკანმა შვილი ხელში აიყვანა და თავი დახარა, ეთერიდან გავედი. ასე უკეთესი იყო. ჯიხურიდან გამოსვლის დროს, თითქოს, იატაკს ვერ ვგრძნობდი, ტალღას მივყვებოდი.


ყველაზე მეტად ადამიანში ვაფასებ... შრომისმოყვარეობას.


მჯერა, რომ... უნდა გვჯეროდეს.


ის, რაც ყველაზე მეტად მომწონს ჩემს თავში... ენერგია.


რაც ყველაზე მეტად არ მომწონს  საკუთარ თავში...  რამდენიმე წელიწადი ალკოჰოლთან, მოსაწევთან ახლოს რომ გავატარე. ხანდახან ყოველდღე „გასული“ ვიყავი. მაშინ ყველა მიყვარდა, საკუთარი თავის გარდა.


ის, რის გარეშეც ვერ წარმომიდგენია ცხოვრება, არის... სიყვარული, კრუასანი, შემწვარი კარტოფილი, Motorhead, წყალი, ჩემი ოჯახი.


ბავშვობაში ყველაზე მეტად მინდოდა, რომ... ბევრი ძაღლი მყოლოდა. წყნეთში, კეცხოველის ქუჩაზე რომ ვცხოვრობდით, ყოველდღე მაგიდიდან ნარჩენებს ვაგროვებდი და იმ სახლთან, სადაც ვლადიმერ სტეფანია იზრდებოდა, სამი ლეკვისთვის მიმქონდა. ხანდახან თუთის ქვეშ ერთად ვჭამდით.


მე იმ ბავშვობიდან ვარ, რომელსაც... ჰქონდა ბავშვობა და რომელიც ეზოში იზრდებოდა. სახლში დასისხლიანებული მუხლებით ავდიოდით და ყველაზე მაგრები ვიყავით. ეზო ეზოზე ფეხბურთს ვთამაშობდით და მახსოვს, როგორ ვემზადებოდით კეცხოველის ქუჩელები მინისტრების წინააღმდეგ სათამაშოდ. კარში ვიდექი. მეტსახელიც მქონდა - ძოფი. თამაზ თოლორაიამ შემარქვა, როდესაც შვილები მამების წინააღმდეგ ვთამაშობდით და მე 3 პენალტი ავიღე.

ამ წამს ყველაზე მეტად მინდა, რომ ვიყო... ის, ვინც ვარ. ასწორებს.


ჩემი ყველაზე დასამახსოვრებელი დაბადების დღე იყო... რაც მახსოვს, ყველა დასამახსოვრებელია. ყოველთვის ჩემი მშობლების, საყვარელი ადამიანისა და მეგობრების სიყვარულსა და პატივისცემას ვგრძნობდი, ვგრძნობ.


ნიჭი, რომელსაც მინდა ვფლობდე... მინდა, იარების გაქრობა შემეძლოს. ეგრევე, ხელის დადებით. როგორც „მწვანე მილშია“, როდესაც ჯონ კოფი სხვის ტკივილს იღებს.


წიგნი,  რომლის ავტორიც ვიქნებოდი... მალე ვიქნები, უკვე ვწერ.


ყველაზე ხშირად მავიწყდება... რომ წლები არ გაკლდება.


დღე, რომელიც არასდროს დამავიწყდება... ჯერ ერთი და მერე მეორე შვილის დაბადება. კიდევ ის დღე, როდესაც დელ პიერომ მამის გარდაცვალების შემდეგ პირველივე თამაშში „პარმას“ გოლი გაუტანა. ალე დღესაც მაგრად მიყვარს.


ადრე ვფიქრობდი, რომ… ღმერთი ყველას ეხმარება.  

ახლა ვფიქრობ, რომ... ხანდახან გასულია მომსახურების არიდან.


თავისუფალ დროს... ვერ ვისვენებ. არ მინდა, რომ დრო თავისუფალი იყოს.


მრცხვენია მაშინ, როდესაც... ვიღლები.

ყველაზე მეტად მიყვარს... სხვისთვის საჩუქრების საყიდლად გასვლა.


არასოდეს გავაკეთებ... არ მექნება სექსი მამაკაცთან.


რის თქმაც ყოველთვის მინდოდა და ახლა ვამბობ... I am Iron Man.


სიყვარული არის... პატარა ლეკვი, რომელსაც ყოველთვის უნდა მოეფერო და არ მიატოვო. ის ყოველთვის მოგიგორდება და მოგეკრობა.


ყველაზე ბედნიერი ვარ მაშინ... როდესაც არავის წინაშე არ ვარ პასუხისმგებელი.  


ყველაზე დიდი სისულელე, რაც გამიკეთებია... Nirvana-ს კონცერტზე არ წავედი, ბილეთის აღება დამეზარა. რამდენიმე კვირაში კობეინმა თავი მოიკლა. Fuck!


პირად ურთიერთობებში ვარ... ალბათ, ყურადღებანი, დამთმობი.


შევცვლიდი… სექსის დროს პოზებს.


სახლში ხანძრის დროს 60 წამი რომ მქონდეს, გადავარჩენდი... ბაბუასა და ბებოს წერილებს, რომლებსაც ისინი მიგზავნიდნენ, როდესაც ავსტრიაში ვსწავლობდი. იმ წერილებით მეფერებოდნენ და ვთბებოდი.


წინა ცხოვრებაში ვიქნებოდი… იერონიმ ბოსხის მოსწავლე.


არასოდეს თქვა… რომ ონანიზმი წარსულში დარჩა. ონანიზმმა ასაკი არ იცის.


მამაკაცი უნდა იყოს... არაქალური.


ჩემთვის ღმერთი არის… ყველაზე გავლენიანი.


რწმენა არის... ნიქ ქეივის ლექსები, ჩარლზ ბუკოვსკის პროზა, გალაკტიონის სიბრძნე.


ვენდობი... კლინტ ისტვუდის ფილმებს.


არ ვენდობი... გასარჩევ თევზს.


თავისუფლება არის... ელესდესავით.


ვიცეკვებდი... უდაბნოში, მილენ ფარმერის პირველი ჩანაწერის ფონზე, შიშველი ფეხებით და გახურებულ ქვიშაზე მორიელები რომ სკდებიან. ალბათ, ეს სიკვდილის ერთ-ერთი სახეა.


მშვიდობა არის... როდესაც პოლიტიკოსები დამალობანას თამაშობენ. როცა პოულობენ ერთმანეთს, მერე იწყება ომი.

ომი არის... ბევრი შეწყვეტილი ოცნება და დაუსრულებელი წერილი.


იყო პატრიოტი, ნიშნავს... იყო პროფესიონალი.


ადამიანი არის... ღმერთის დაუსრულებელი ექსპერიმენტი.


 


ჩემი წონასწორობიდან გამოყვანა შეუძლია... ალექს ოვეჩკინს, ბულტერიერის ლეკვს, არასაკმარის ნაყინს. სამივე მაგრად მიყვარს და სამივე ცოტაა, არ მყოფნის.


ჩემი დევიზია... არ გაჩერდე, დრო მიდის.


ჩემი კერპი... ბაბუაჩემი და მიკი რურკი.


ჩემთვის მისაბაძია... ყველა მზრუნველი მშობელი, რომელმაც შვილის მოკითხვა დაიმსახურა.

ფოტოგრაფი: ალექსანდრე სხულუხია
დღის ჰოროსკოპი

23 იანვრის ასტროლოგიური პროგნოზი

რას გვირჩევენ ვარსკვლავები 23 იანვარისთვის ჯანმრთელობის, ბიზნესის და სიყვარულის მიმართულებით?
ამბები

საქართველოს ახალი მილიონერი ჰყავს! 

გათამაშდა 1 მილიონ 182 454 ლარი! იძებნება მოგებული!!!
იცით თუ არა...

როგორ ეძებდა სტივ ჯობსი სამსახურს - CV, რომელიც შეავსო Apple-ის დაარსებამდე 3 წლით ადრე

ყველას გვიწევს, რაღაცით დავიწყოთ... 1973 წელს ეს ლეგენდარული ადამიანი სამსახურს ეძებდა. იმ დროს უკვე მიტოვებული ჰქონდა სწავლა ორეგონ რიდის კოლეჯში. თუმცა ჯერ 3 წელი იყო იმ დრომდე, სანამ ჯობსი კომპიუტერულ ინდუსტრიას შეცვლიდა. 
დღის ჰოროსკოპი

22 იანვრის ასტროლოგიური პროგნოზი

რას გვირჩევენ ვარსკვლავები 22 იანვრისთვის ჯანმრთელობის, ბიზნესის და სიყვარულის მიმართულებით?
იცით თუ არა...

თუ ეს 10 რამ გესიზმრებათ, ყურადღებით იყავით!

ცნობილი შვეიცარიელი ფსიქოთერაპევტი კარლ გუსტავ იუნგი ამბობდა, რომ სიზმრებით ადამიანი თავის ქვეცნობიერში იხედება. სიზმარი გვკარნახობს, თუ რა გვაწუხებს ყველაზე მეტად და რა მიმართულებით უნდა ვიმოძრაოთ... 
დღის ჰოროსკოპი

21 იანვრის ასტროლოგიური პროგნოზი

რას გვირჩევენ ვარსკვლავები 21 იანვრისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

ანტონის ცაპატაკისი: „ეს ჩემი თავისუფლებაა“

ნუ გადააჭარბებ სიჩქარეს - დღეს ეს მოწოდება და ამაში მოზარდების დარწმუნება ერთ-ერთი მთავარი მიზანია ანტონის ცაპატაკისისთვის, რომელიც ბერძენი პარალიმპიელი მოცურავე და მსოფლიო ჩემპიონია... 
იცით თუ არა...

სკოლაში ექსპერიმენტი ჩაატარეს - ხელების სისუფთავე პურის ნაჭრით შეამოწმეს!

შედეგი იმდენად შთამბეჭდავი გამოდგა, რომ გადაწყვიტეს, ეს ამბავი სოციალური ქსელით გაეზიარებინათ. 
ამბები

აღიარება ჩუმი გმირობისთვის

მარინა გოგიჩაიშვილი ჯიპიაი ჰოლდინგის თანამშრომელია. ის ვენის სადაზღვევო ჯგუფის ყოველწლიური კონკურსის -  ჯილდო  მოხალისეობრივი საქმიანობისათვის - AWARD IN RECOGNITION OF COMMITMENT TO VOLUNTARY ACTIVITIES გამარჯვებული გახდა. მან ჯილდო ლეიკემიით დაავადებული პაციენტების დასახმარებლად  საქველმოქმედო ორგანიზაციის დაარსებისთვის მიიღო.
დღის ჰოროსკოპი

20 იანვრის ასტროლოგიური პროგნოზი

რას გვირჩევენ ვარსკვლავები 20 იანვრისთვის ჯანმრთელობის, ბიზნესის და სიყვარულის მიმართულებით?
საკნატუნო ამბები

ყველაზე ზარმაცებისთვის: ვისკი კაფსულებში (video)

ამ სიახლის ავტორია ალკოჰოლის შოტლანდიური ბრენდი The Glenlivet. 
მოძღვარი გვირჩევს

დღეს ქრისტიანის ცხოვრებაში პირველი საიდუმლო იღებს სათავეს

გილოცავთ ყველა ქრისტიანს - საქართველოს მართლმადიდებლური ეკლესია, ისევე, როგორც მთელი მართლმადიდებლური სამყარო, აღნიშნავს ნათლისღებას უფლისა ჩვენისა იესო ქრისტესი.