1. ეძებეთ კონკრეტული ნივთი
მეორადი ტანსაცმლის მაღაზიაში წასვლის წინ ზუსტად განსაზღვრეთ, რისი შეძენა გსურთ. წინააღმდეგ შემთხვევაში თქვენ ისეთ სამოსს შეიძენთ, რომელსაც კარადაში მტვერი დაედება.
2. აუცილებლად მიიზომეთ
ყოველი ნივთი აუცილებლად მიიზომეთ. ხშირად საკიდზე კაბა ან კოფტა სულაც არ გამოიყურება მიმზიდველად, სამაგიეროდ ტანზე ისე გამოჩნდება, რომ თვალს ვერ მოსწყვეტ. მიზომებისას ისიც გამოჩნდება, რამდენად სწორად შეარჩიეთ ზომა, ფერი, მოდელი.
3. ხარისხის შემოწმება
მიზომება ხარისხის სწორად შეფასებაშიც დაგეხმარებათ. თუკი სამოსი მიზომების შემდეგ დეფორმირდება, არავითარ შემთხვევაში არ შეიძინოთ.
4. ძველმანებს - უარი
გახსოვდეთ, რომ „სექენდ ჰენდი“ ძველმანი არ არის. შეეცადეთ, იმგვარი სამოსი შეარჩიოთ, რომელიც მეორე გარეცხვისთანავე ძონძად არ იქცევა.
5. ტრიკოტაჟის ნივთების მოძებნა
ტრიკოტაჟის ნივთები გულისყურით შეარჩიეთ. ისე არ მოხდეს, რომ ნაყიდის მუდმივად რეანიმირება მოგიწიოთ.
6. კონტაქტი გამყიდველთან
როცა მეორადი ნივთების ერთსა და იმავე მაღაზიას ხშირად სტუმრობთ, ნუ დაიზარებთ და გამყიდველს გამოელაპარაკეთ. გამყიდველთან კონტაქტი საჭირო ნივთის მოძებნაში აუცილებლად დაგეხმარებათ. თანაც საქონლის მიწოდების გრაფიკიც გაარკვიეთ. მიწოდების დღეებში ახალი ნივთის მოძიების მეტი შანსია და არჩევანიც უკეთესია.
7. ყიდვის წინ ნივთი კარგად შეამოწმეთ
თუკი აგლეჯილ ღილს ან ნახვრეტს აღმოაჩენთ, დაფიქრდით, შეძლებთ მის გამოსწორებას? ამას გარდა, დაზიანებულ ნივთზე შეიძლება გამყიდველს ფასის დაკლებაც მოსთხოვოთ.
8. ძველი ნივთი ახალი დიზაინით
თუკი კერვა გეხერხებათ, მაშინ ყურადღება მიაქციეთ იმ ნივთებსაც, რომელთა მატერიის ფერი და პრინტი მოგეწონათ, თუნდაც ზომით არ გერგებოდეთ. ამგვარი ნივთების საკუთარი გემოვნებით გადაკეთება ყოველთვის შესაძლებელია.
9. საყიდლებზე - მეგობრებთან ერთად
თუკი ეს შესაძლებელია, საყიდლებზე მეგობრებთან ერთად წადით. ამგვარად საჭირო რჩევასაც დროულად მიიღებთ და დროც სწრაფად გავა.