X

ლაშა ღლონტი: „მალე ბაბუა გავხდები!“

ახალი თაობა
02.12.2016 20:00
2883

მომღერალ ლაშა ღლონტსა და თეა ახალაძეს ერთადერთი შვილი ჰყავთ - 22 წლის ანი ღლონტი და აპრილში ბებია-ბაბუის როლსაც მოირგებენ...

გადაღების ადგილია ავეჯის სახლი „პანცილიონი“.

ფოტოგრაფი: ალექსანდრე სხულუხია
  • ლაშა: ანი ბათუმში დაიბადა. 1994 წელი ქვეყნისთვის რთული პერიოდი იყო. ეკონომიკური გაჭირვება ყველგან იგრძნობოდა. 6 თვემდე ბებიამ გაზარდა, შემდეგ კი თბილისში წამოვედით. ვერ ვანებივრებდით, თუმცა როცა წამოიზარდა, ფინანსურად ჩვენც ფეხზე დავდექით და ყველა სურვილს ვუსრულებდით.

  • ლაშა: ანი ძალიან წყნარი ბავშვი იყო. მის გამო ღამეების თენება ნაკლებად მახსენდება. 2-3 წლის ასაკში სიმღერაც დაიწყო. 8 წლის იყო, როდესაც გურამ თამაზაშვითან ერთად „ალილო“ იმღერა და წლების განმავლობაში, საქართველოში ამ კლიპით გვილოცავდნენ შობას.

  • ანი: პატარას აპრილში ველოდებით. ბავშვისთვის წინასწარ არაფრის ყიდვა არ გვინდოდა, მაგრამ ვერ მოვითმინეთ და უკვე დავიწყეთ ნივთების შეძენა.

  • ანი: ბიჭს ველოდებით. ჩემს მეუღლეს, თორნიკეს მამა გარდაცვლილი ჰყავს და მის სახელს დავარქმევთ.

  • თორნიკე: არ ვეთანხმები იმ მოსაზრებას, რომ პირველი მაინცდამაინც ბიჭი უნდა დაიბადოს. სქესს რა მნიშვნელობა აქვს. როცა ანის ორსულობის შესახებ გავიგე, ძალიან დავიბენით ორივე.

  • ლაშა: ერთადერთი ქალიშვილის გათხოვებას ძალიან დადებითად შევხვდი, რადგან მასში ყოველთვის დარწმუნებული ვიყავი. ვიცოდი, რომ ცუდ არჩევანს არ გააკეთებდა. ჩემი სიძე, თორნიკე მაისურაძე მომღერალია. ისეთი კარგი ადამიანი აღმოჩნდა, ძალიან შეგვაყვარა თავი. ბიჭი ყოველთვის მინდოდა და მისი სახით მყავს კიდეც.

  • ანი: ლაშამ რომ გაიგო, შვილს ველოდებოდი, გადაირია სიხარულისგან! ზუსტად ვიცი, რომ გიჟი ბაბუა იქნება და შვილიშვილს გაათამამებს. ერთადერთი გოგოს მამაა, ბიჭთან არ ჰქონია ურთიერთობა და მაინტერესებს, ჩემი პატარა რომ დაიბადება, ლაშა რას იზამს.

  • ანი: უკვე ზუსტად ვიცი, რომ „პანიკა“ დედა ვიქნები! ჯერ არ დაბადებულა და მუცელშივე ვუფრთხილდები.

  • ანი: ლაშა ძალიან მეგობრული მამაა. ტაბუდადებული თემა არასდროს გვქონია. მასთან ნებისმიერ საკითხზე გახსნილად ვლაპარაკობ.

  • თორნიკე: ლაშა ძალიან მეგობრულია. სიძე-სიმამრის დამოკიდებულება ჩვენს ურთიერთობაში არ იგრძნობა. როცა სუფრასთან ვხვდებით, ერთად სიმღერაც გვიწევს.

  • ლაშა: მალე ბაბუა გავხდები, რაც ძალიან მახარებს. ვნახოთ, ვის დაემსგავსება. ბიჭი იქნებოდა თუ გოგო, ჩემთვის მნიშვნელობა არ ჰქონდა, თუმცა ვიცი, რომ ერთ შვილზე გაჩერებას არ აპირებენ.

  • ანი: შვილის მოლოდინი უკვე დიდი პასუხისმგებლობა, მაგრამ უზარმაზარი სიხარულია! ბავშვმა მუცელში მოძრაობა რომ დაიწყო, კიდევ უფრო ვიგრძენი, რამხელა ბედნიერებაა!

ავტორი: სოფიო ბოჭორიძე