X

ნუცა კოპალიანი: „ნიკოლოზს რომ ეკითხებიან, დედა სად არისო, ტელევიზორისკენ იშვერს თითს“

ახალი თაობა
30.12.2016 20:00
674

ჟურნალისტ ნუცა კოპალიანს ერთი შვილი ჰყავს - 11 თვის ნიკოლოზ ბაღათურია...

გადაღების ადგილია ავეჯის სახლი „პანცილიონი“.

ფოტოგრაფი: ალექსანდრე სხულუხია
  • ნიკოლოზი 21 იანვარს ერთი წლის გახდება. დედობის შეგრძნებას ვერაფერს შეადარებ. ორსულობისა და მშობიარობის ტკივილების შემდეგ კიდევ რომ გიჩნდება სურვილი, მეორედ და მესამედ გახდე დედა, ამაზე დიდი სასწაული არაფერი მგონია!

  • ნიკოლოზი ძალიან სოციალური, უპრობლემო, მხიარული და კაცთმოყვარე ბიჭია. სტუმრებიც უყვარს, სტუმრად სიარულიც და ყოფნა ყველგან, სადაც ხალხია.

  • სხვა დედებს რომ ვუსმენ, ნიკოლოზის გაზრდა ძალიან მსუბუქად მახსენდება. მის გამო არც ღამეები მითენებია და არც ავადმყოფობით შევუწუხებივართ.

  • ახალ წელს შვილთან ერთად პირველად ვხვდები და უკვე ვფიქრობთ, რა გავაკეთოთ იმისთვის, რომ 12 საათზე ეღვიძოს.

  • სასეირნოდ ეზოში, ჩემი და გეგას მეგობრებთან, ბებია-ბაბუასთან და სად აღარ დაგვყავს. მისთვის მთავარია, გაერთოს! ძალიან იოლად აღსაზრდელი ბიჭია და ამ მხრივ გამიმართლა.

  • ნიკოლოზს საუკეთესო ძიძა ჰყავს, ერთმანეთი საოცრად უყვართ! როგორც ძიძა მეუბნება, ჩემი შვილი ეკრანზე მცნობს და როცა ეკითხებიან, დედა სად არისო, ტელევიზორისკენ იშვერს თითს.

  • როგორც ყველა ბავშვი, ნიკოლოზსაც არ უყვარს წვნიანი კერძი, მაგრამ გვემორჩილება. კვების იმ რაციონს მიჰყვება, რაც მისთვის აუცილებელია.

  • ნიკოლოზი მამაზე გიჟდება! დედასაც ამბობს, მაგრამ უფრო აქტიურად მა-მა-ს ეძახის. თუ დაიწყებს, აღარ ჩერდება! მამა-შვილი ძალიან კარგად ერთობიან!

  • ერთადერთი, რასაც აპროტესტებს, ეს ტანსაცმლის ჩაცმაა. ჯერ ვერ ხვდება, რომ ეს აუცილებელია.

  • როცა ქალაქიდან გასვლა და ნიკოლოზთან განშორება მიწევს, დღის განმავლობაში ცხრაჯერ ვრეკავ, მის ხმას ვისმენ და ძიძას ვთხოვ, ჩემი შვილის ვიდეო ან ფოტო გამომიგზავნოს. მგონია, რომ ყველა დედას ასეთივე დამოკიდებულება აქვს შვილთან. 

ავტორი: სოფიო ბოჭორიძე