ლილე ლომინეიშვილი - 3 წლის
- ზაფხულობით სოფელში მივდივართ და მიყვარს, როდესაც სადმე მივდივართ. ძალიან მიყვარს სოფელში ქვიშით თამაში. ჩემი საყვარელი თამაშებია დედა-შვილობანა, მამა-შვილობანა და შვილობანა. სოფელში კარგად ვისვენებ. ქალაქშიც მიყვარს, მაგრამ სოფელში უფრო სუფთა ჰაერია. თბილისში ხანდახან ნაგავს ყრიან, მერე ეს ნაგავი ყროლდება და ცუდი სუნი აქვს. არავინ არ უნდა დაყაროს ნაგავი.
ჯერ სკოლაში არ დავდივარ, მაგრამ როცა დავიწყებ სწავლას და გავიზრდები, კბილის ექიმი უნდა გამოვიდე. კბილის ექიმთან სიარულის არ მეშინია.
ნიკოლოზ წიკლაური - 10 წლის
ზაფხული გამორჩეულად მიყვარს, იმიტომ რომ ზღვაზე მივდივართ და ბევრს ვცურავ. მეტი თავისუფალი დრო მაქვს. ხან წიგნს ვკითხულობ, ხან ვთამაშობ. სოფელიც ძალიან მიყვარს, რადგან სოფელში უფრო სუფთა ჰაერი და სუფთა გარემოა. ქალაქი დანაგვიანებულია. როდესაც ქუჩაში ნაგავს ყრიან, ჰაერი ბინძურდება. ამ ჰაერს კი ჩვენ ვსუნთქავთ. ამიტომ არ უნდა დავყაროთ ქუჩაში ნაგავი.
ავთანდილ ებრალიძე - 8 წლის
ზაფხულში არდადეგები მაქვს და ზღვაზე წასვლა მიხარია. დასვენება სოფელშიც კარგია, რადგან იქ კორპუსები არ არის და უფრო სუფთა ჰაერია. ქალაქში ხშირად ნაგავი ყრია და გარემო ბინძურდება, რაც ძალიან ცუდია. მოვუწოდებ ყველას, არ დაყარონ ნაგავი. რომ გავიზრდები, ექიმი მინდა გამოვიდე. ვფიქრობ, ადამიანმა უნდა იმუშაოს, რომ სახლ-კარი იყიდოს და საჭმლისთვის ფული იშოვოს.
კესარია ფეიქრიშვილი - 8 წლის
ზაფხულში ჩემი დაბადების დღეა, ამიტომ მიყვარს ეს დრო განსაკუთრებულად. ძალიან კარგად ვერთობი ხოლმე და სულ სხვადასხვა ადგილებში ვიხდი დაბადების დღეს. კიდევ, ზაფხულში დედა ისვენებს ხოლმე და სულ გრილ ადგილას მივდივართ ხოლმე დასასვენებლად. დასვენება სოფელშიც მიყვარს. თბილისი უფრო დიდია, სოფელი - პატარა. სოფელში უფრო ბევრი ცხოველია, სუფთა ჰაერია. ქალაქში კი ბევრი მანქანა დადის და გამონაბოლქვია. ხშირად ნაგავი ყრია ქუჩებში. ამ დროს, მეეზოვეები ბევრს შრომობენ, მუშაობენ, ადამიანები კი ქუჩაში ნაგვის დაყრით მათ შრომას წყალში ვყრით და უფრო მეტ სამუშაოს ვაძლევთ. კარგია, რომ ადამიანი მუშაობს და უსაქმურად არ არის, მაგრამ დანაგვიანებულ გარემოში ყოფნა ძალიან ცუდია.
ლუკა წიკლაური - 7 წლის
ძალიან მიყვარს ზაფხული, რადგან ვიცი, რომ ზღვაზე წავალ და ვიცურავებ. ცურვა კარგად ვიცი და ტალღების არ მეშინია. სოფელიც მიყვარს, მაგრამ ცხოვრება ქალაქში ჯობია, აქ ინტერნეტი გვაქვს და ვთამაშობ ხოლმე, თუმცა სოფელიც კარგია, ბავშვებთან ერთად სოფელშიც კარგად ვერთობი. იქ არც ნაგავი ყრია, არც ხმაურია და არც მანქანების გამონაბოლქვი.