რა არის საუკეთესო საჩუქარი ბავშვების აზრით?

ახალი თაობა

14 აგვისტო 19:00, 2018 წელი

მოუსმინეთ და გაიცანით: ნია ტიკარაძე, სოფია კომახიძე, ანდრია მთვარელიძე, გიორგი ყალიჩავა, ნიკოლოზ ქანთარია,  ზუკა გიორგობიანი, შაკო ჭრიკიშვილი,  ანი გიორგობიანი,  დაჩი ჩიქობავა, გუგა ჩუგუაშვილი და  რემი გიორგობიანი.

ნიაკო ტიკარაძე - 6 წლის


 



- ჩემს საუკეთესო მეგობარს ვაჩუქებდი წიგნს, იმიტომ, რომ უყვარს კითხვა. ჩემთვის ყველაზე დასამახსოვრებელი საჩუქარი იყო მობილური ტელეფონი, რომელიც დედამ და მამამ დაბადების დღეზე მაჩუქეს. ძალიან, ძალიან გამიხარდა. მინდოდა, მქონოდა მობილური ტელეფონი. პრინციპში, მჭირდებოდა კიდეც.


 


სოფია კომახიძე - 8 წლის



 


ჩემს საუკეთესო მეგობარს ვაჩუქებდი საიდუმლო ნივთების შესანახს, იმიტომ, რომ საიდუმლო გუნდი გვაქვს შექმნილი სკოლაში. საიდუმლო ბლოკნოტში საიდუმლოებებს ვწერთ და ჩასაკეტი აქვს, ამიტომ მას ვერავინ გახსნის. საიდუმლო ადგილებს ვპოულობთ ხოლმე და ამ ადგილებში ვინახავთ ჩვენს საიდუმლო ნივთს. ყველაზე მეტად გამიხარდა, როდესაც ჩემმა საუკეთესო მეგობარმა მაჩუქა ჩემი საყვარელი ნივთი - საიდუმლო სკივრი, რომელშიც იდო ორი რაღაც: წიგნი და ძალიან ლამაზი ჯოხი. საერთოდ, წარმოდგენა არ მქონდა, რომ ასეთი რამ არსებობდა და რომ ვნახე, ძალიან გამიხარდა. კიდევ, ჰარი პოტერი არის ჩემი საყვარელი ფილმი და ძალიან მინდა, ჰარი პოტერის ჯოხი მქონდეს. ჩემი ჰობია ჰარი პოტერის ნივთების შეგროვება.


 


ანდრია მთვარელიძე -9 წლის



- თუ ბევრი ფული მექნება, საუკეთესო მეგობარს ვაჩუქებდი „იქს ბოქსს“, რადგან როდესაც ჩემმა ნათესავმა „იქს ბოქსი“ მიყიდა, უზომოდ გამიხარდა. კიდევ მახსოვს, ძალიან გამიხარდა, როდესაც ჩემმა დამ მობილური ტელეფონი მაჩუქა. სიხარულისგან დავფრინავდი. აი, თუ ბევრი ფული არ მექნება, მაშინ მეგობარს ვუყიდი ბურთს.


გიორგი ყალიჩავა - 7 წლის


 



 


- ჩემს საუკეთესო მეგობარს ვაჩუქებდი წიგნს - საბავშვო ენციკლოპედიას. მე უკვე მაქვს და ძალიან მომწონს. ერთ ჩემ საუკეთესო მეგობარს ვაჩუქე ტრანსფორმერი მანქანა და ძალიან გაუხარდა. ყველაზე მეტად დამამახსოვრდა საჩუქარი, რომელიც ჩემმა მეგობარმა მაქსმა მაჩუქა - ეს არის ასაწყობი პლანეტები. გადავირიე, ისე მომეწონა. ახლაც ვთამაშობ ხოლმე.


 


ნიკოლოზ ქანთარია - 11 წლის



 


- ჩემი საუკეთესო მეგობარია ნიკოლოზი. ორივეს ძალიან გვიყვარს მეცნიერული რაღაცები. სულ ძიებაში ვართ. რომ გავიზრდებით, ძალიან გვინდა ავაშენოთ რაკეტა და გავფრინდეთ. ძალიან დიდი იმედი მაქვს, რომ გამოგვივა. რადგან მეცნიერებით არის დაინტერესებული ჩემი მეგობარი, ვაჩუქებდი რამე სამეცნიეროს. მაგალითად, იცით რას? აი, მეცნიერებს რომ აქვთ, რომ ჩაიჭყიტებიან და ჩანს ყველაფერი. ყველაზე მეტად მომინდებოდა მეჩუქებინა ტელესკოპი, რომლითაც დაინახავდა სხვადასხვა პლანეტას. ჩემთვის ყველაზე დასამახსოვრებელი საჩუქარი იყო ველოსიპედი, რომელიც დედამ და მამამ მაჩუქეს ნიკოლოზობაზე. მინდა, ბევრი ფული მქონდეს, რომ მე და ჩემმა მეგობარმა სხვადასხვა ნაწილები ვიყიდოთ. აი, მაგალითად, ახლა „სამაკატკას“ ვაწყობთ, რომელსაც საჭე ჯერ არ აქვს. აი, რომ მაჩუქონ ფული, ამ „სამაკატკის“ ნაწილებისთვის დავხარჯავდი.


 


ზუკა გიორგობიანი - 8 წლის


 



 


- საუკეთესო მეგობარს ვაჩუქებდი დრონს და ძალიან გავახარებდი. სკოლაში როცა ვიყავით და გახანგრძლივებულში ვრჩებოდით, სულ ხატავდა დრონს. ჰოდა, მეც მივხვდი, რომ ძალიან უნდოდა დრონი ჰქონოდა. დრონი მეც რომ მაჩუქონ, ძალიან გამიხარდება. ჩემთვის ყველაზე დასამახსოვრებელი იყო საჩუქარი, რომელიც დაბადების დღეზე მაჩუქეს 6 წლის რომ გავხდი - ეს იყო პულტიანი მანქანა, რომელზეც ვოცნებობდი. ახლა უკვე გავიზარდე და აღარ ვთამაშობ მაგ მანქანით, მაგრამ ვინახავ. ჩემი პატარა ძმა რომ გაიზრდება, მას უნდა ვაჩუქო.


 


შაკო ჭრიკიშვილი - 11 წლის



 


- ცოტა რთულია საჩუქრის შერჩევა. გააჩნია, ფული რამდენი მექნება. ისე, მეც გამიხარდება, თუკი, მაგალითად, დრონს ვაჩუქებ ჩემს საუკეთესო მეგობარს. ჩემთვის ყველაზე დასამახსოვრებელი საჩუქარი იყო მობილური ტელეფონი, რომელიც დედამ და მამამ მაჩუქეს. მახსოვს, რომ ძალიან გამიხარდა. ახლა ვერ გეტყვით, რომ რამე საჩუქარზე ან ნივთზე ვოცნებობ, რადგან ის, რაც მაქვს, მაკმაყოფილებს.


 


ანი გიორგობიანი - 10 წლის



- ერთხელ ჩემ საუკეთესო მეგობარს ვაჩუქე ზუსტად ისეთი ბალიში, როგორიც მე მაქვს და ძალიან გაუხარდა. ბალიშზე ამერიკის დროშა ეხატა და ორიგინალური იყო. ახლა, უცებ ვერ ვფიქრობ, რას ვაჩუქებდი მეგობარს, მაგრამ შევეცდები, რამე განსხვავებული საჩუქარი გავუკეთო. პირადად ჩემთვის დასამახსოვრებელი იყო საჩუქარი, რომელიც დედამ და მამამ დაბადების დღეზე მაჩუქეს. ეს იყო ველოსიპედი, რომელზეც ვოცნებობდი. ძალიან მიყვარს ველოსიპედით სეირნობა.


 


დაჩი ჩიქობავა - 7 წლის



- ჩემს მეგობარს ვაჩუქებდი მაგალითად, მანქანას. სათამაშო, პულტიან მანქანას, სპაიდერმენის ნახატებით. ისეთს, თვითონ რომ მართოს. როცა მე მაჩუქეს პულტიანი მანქანა, მახსოვს, ძალიან გამიხარდა.  ახლა, ძალიან მინდა, მაჩუქონ თოფი ელემენტებზე და სათამაშო ტყვიებს რომ ისროდეს.


 


გუგა ჩუგუაშვილი - 7 წლის



- ჩემს საუკეთესო მეგობარს ვაჩუქებდი ჰოვერბორდს და ზუსტად ვიცი, ძალიან გაუხარდებოდა, სიხარულისგან გადაირეოდა. ჯერ მეც არ მაქვს ჰორვერბორდი, მაგრამ მალე მექნება. კიდე, სურვილი მაქვს, დაბადების დღეზე მაჩუქონ ბატუტი. დავდგამ ეზოში და მაგრად გავერთობი. უკვე მიღებული საჩუქრებიდან ჩემთვის ყველაზე დასამახსოვრებელი იყო ველოსიპედი. სულ ვოცნებობდი BMW-სნაირი ველოსიპედი მქონოდა და მამიკომ ბრჭყვიალა, ცისფერი ველოსიპედი მომიყვანა, რომლითაც ხშირად ვსეირნობ.


 


რემი გიორგობიანი - 9 წლის



- ჩემს მეგობარს ვაჩუქებდი კომპიუტერის სათამაშო სპეციალურ კლავიატურას და მაუსს, რომელიც სათამაშოდ არის განკუთვნილი. ზუსტად ვიცი, ძალიან გაუხარდებოდა. ჩემთვის ყველაზე დასამახსოვრებელი საჩუქარი იყო ჰოვერბორდი, რომელიც დედიკომ დაბადების დღეზე მაჩუქა, დილას ადრევე მომიტანა. ისე გამიხარდა, ისე გამიხარდა, ლამის გადავირიე. ძალიან მინდოდა, ვოცნებობდი, რომ მქონოდა. ახლა ვოცნებობ ახალ მობილურ ტელეფონზე.


 


 

NEW

აშშ-ის სურსათის და წამლის ადმინისტრაციამ სპინალური კუნთოვანი ატროფიის სამკურნალოდ აუცილებელი მედიკამენტი დაამტკიცა

აშშ-ის სურსათის და წამლის ადმინისტრაციამ (FDA) მოზრდილებში, 2 თვის და უფროსი ასაკის ბავშვებში სპინალური კუნთოვანი ატროფიის (სკა) სამკურნალოდ მედიკამენტი Evrysdi (რისდიპლამი) დაამტკიცა. Evrysdi (რისდიპლამი) ფარმაცევტული კომპანია Roche-ს წარმოებული მედიკამენტია, რომელიც სპინალური კუნთოვანი ატროფიის სამკურნალოდ პირველი და ერთადერთი საშუალებაა, რომლის მიღებაც სახლის პირობებშიც შესაძლებელია.
FUN-ტესტი

მოკლე სექს-ტესტი - როგორია თქვენი სექსუალური მადა?

თქვენ წინაშეა ფოტო 8 კვადრატით. თითოეულ კვადრატში ერთი ფიგურაა. კარგად დააკვირდით და აირჩიეთ ის ფიგურა, რომელიც ყველაზე მეტად მოგეწონათ, ქვემოთ კი წაიკითხეთ, თუ რაზე მიუთითებს თქვენი არჩევანი. 
დღის ჰოროსკოპი

12 აგვისტოს ასტროლოგიური პროგნოზი

რას გვირჩევენ ვარსკვლავები 12 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

11 აგვისტოს ასტროლოგიური პროგნოზი

რას გვირჩევენ ვარსკვლავები 11 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

„დებატები უკეთესი განათლებისთვის“ - გამორჩეული მოდებატეების დაჯილდოების ცერემონიალი გაიმართა

10 აგვისტოს, 11:00 საათზე, სასტუმრო „თბილისი კოპალაში“ (ანტონ ჩეხოვის ქუჩა 8/10) გაიმართა პროექტ „დებატები უკეთესი განათლებისთვის“ მონაწილე მოსწავლეებისა და საუკეთესო მოდებატეების დაჯილდოების ცერემონიალი. ინფორმაციას „საქართველოს დებატებისა და განათლების ინსტიტუტი“ ავრცელებს.
დღის ჰოროსკოპი

10 აგვისტოს ასტროლოგიური პროგნოზი

რას გვირჩევენ ვარსკვლავები 10 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

9 აგვისტოს ასტროლოგიური პროგნოზი

რას გვირჩევენ ვარსკვლავები 9 აგვისტოსთვის ჯანმრთელობის, ბიზნესის და სიყვარულის მიმართულებით?
დღის ჰოროსკოპი

8 აგვისტოს ასტროლოგიური პროგნოზი

რას გვირჩევენ ვარსკვლავები 8 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

სამზარეულოს ტექნიკა, რომელიც აუცილებლად უნდა შეიძინო, თუკი მარტო აპირებ საცხოვრებლად გადასვლას

რა შეიძლება იყოს იმაზე უკეთესი, ვიდრე საცხოვრებლად მარტო გადასვლის შესაძლებლობა? ამ დროს გონებაში უკვე ვაწყობთ მომავალ ბინას, უკვე ვიცით, სად დავიდგამთ საყვარელ სავარძელს; სად მოვიწყობთ სამუშაო თუ დასასვენებელ სივრცეებს.
დღის ჰოროსკოპი

7 აგვისტოს ასტროლოგიური პროგნოზი

რას გვირჩევენ ვარსკვლავები 7 აგვისტოსთვის ჯანმრთელობის, ბიზნესის და სიყვარულის მიმართულებით?
NEW

„დანკინის“ ამერიკული რესტორნების მენიუს საქართველოში პიცა დაემატა

„დანკინის“ ამერიკული რესტორნების მენიუს საქართველოში პიცა დაემატა და ამიერიდან ერთგული მომხმარებლები იტალიური პეპერონის, მარგარიტას და პიცის ყველით და ლორით დაგემოვნება მხოლოდ 5.50 ლარად შეეძლებათ. ინფორმაციას „ვისოლ ჯგუფი“ ავრცელებს.
დღის ჰოროსკოპი

6 აგვისტოს ასტროლოგიური პროგნოზი

რას გვირჩევენ ვარსკვლავები 6 აგვისტოსთვის ჯანმრთელობის, ბიზნესის და სიყვარულის მიმართულებით?