X

თაკო ესებუა: „მარტოხელა დედისთვის ყოველი ნაბიჯი რთულია“

ახალი თაობა
10.01.2017 20:00
1360

„ნიჭიერის“ ნახევარფინალისტს, მომღერალ თაკო ესებუას ერთი შვილი ჰყავს - 8 წლის საბა გოგუა...

გადაღების ადგილია ავეჯის სახლი „პანცილიონი“.

ფოტოგრაფი: ალექსანდრე სხულუხია
  • საბა რომ შემეძინა, 17 წლის ვიყავი. ეს ის ასაკია, როცა ვერ გავაცნობიერე, რომ დედა გავხდი. პატარა არსება მყავდა, მაგრამ გარკვეული პერიოდი ვერ ვხვდებოდი, ჩემს თავს რა ხდებოდა.

  • საბა რომ დაიბადა, თბილისის სახელმწიფო კონსერვატორიაში მაშინ ჩავაბარე. შვილის გაზრდაში დედა დამეხმარა, რადგან, სტუდენტობასთან ერთად, პატარას მოვლა ჩემთვის საკმაოდ რთული იყო.

  • შვილთან დაშორება, ქმართან გაშორების შემდეგ მოხდა. საბა დედაჩემთან ერთად სენაკში რომ წავიდა, 4 წლის იყო. ახლა კი უკვე 8 წლის გახლავთ. იქ იზრდება, მაგრამ როგორც კი მისი ნახვის საშუალება მომეცემა, მაშინვე შვილთან გავრბივარ.

  • საბა ძალიან გულჩათხრობილი ბავშვია, თუმცა ვგრძნობ, რომ ჩვენი ცალ-ცალკე ცხოვრება მისთვის რთულია. სულ ერთად გვინდა და იმედი მაქვს, ამას მალე შევძლებთ. ეს ყოველივე კი მატერიალურ შესაძლებლობებთან და შვილისთვის შესაბამისი პირობების შექმნასთანაა დაკავშირებული.

  • მარტოხელა დედისთვის ყოველი ნაბიჯი რთულია. ყველაზე დიდი სირთულე კი საბასგან სიშორეა. საბედნიეროდ, ჩემი ყოფილი დედამთილი ძალიან მეხმარება, თორემ ჩემი ბიუჯეტი საბას სასკოლო ნივთებს, ჩაცმასა და სხვა უამრავ საკითხს ვერ გასწვდება.  

  • საბა „ნიჭიერში“ ძალიან მგულშემატკივრობდა და განიცდიდა. კი არ მაიმედებდა, გაიმარჯვებო, უცილებლად უნდა გაიმარჯვოო, ეს მოთხოვნა ჰქონდა. ჩემგან განსხვავებით, ამბიციურია. აკვიატებული ჰქონდა, რომ „ნიჭიერში“ უნდა გამემარჯვა.

  • საბა ხანდახან შენიშვნებსაც მაძლევს. მკაცრი ხასიათებისაა და ბიჭის პოზიცია უჭირავს. თუ ჩემი სამოსი არ მოეწონა, არ ჩაიცვაო, მეუბნება, თუმცა, როცა მოვეწონები, კომპლიმენტებითაც მანებივრებს.

  • მეც დედისერთა ვარ და საბაც. იმდენად ეგოისტია, არანაირი სურვილი არ აქვს, რომ და ან ძმა ჰყავდეს.

  • „ნიჭიერმა“ ყველაზე მთავარი, რაც მომცა, ხალხის დადებითი ემოცია და სიყვარულია. ამდენ სითბოს არავისგან ველოდი.

ავტორი: სოფიო ბოჭორიძე