X

ასეთ შეცდომებს გახდომის მსურველთა 90% უშვებს

დიეტა
02.12.2016 12:00
791

ჯანსაღი კვების ინსტიტუტის ფსიქოლოგებმა (ორლანდო, აშშ) 3 000 ჭარბწონიანი ქალის ჭამის ჩვევები გამოიკვლიეს. ყველა მონაწილე საკუთარ თავს რეგულარულად ზღუდავდა საჭმელში, დაკავებული იყო ფიტნესით, დრო და დრო კი მკაცრ დიეტას იცავდა, მაგრამ გარკვეული პერიოდის შემდეგ ადრინდელ წონაზე მაინც ბრუნდებოდა...

ფსიქოლოგებმა ამ ჭარბწონიან ქალბატონებს ინდივიდუალური თერაპიის სეანსებში მონაწილეობა შესთავაზეს. შედეგად კი მონაწილეების 80%-მა ერთ წელიწადში წონაში მნიშვნელოვნად დაიკლო.

რა არის წონაში კლების საიდუმლო?
ფსიქოლოგებმა ზედმეტი წონის მიზეზად „ჭამის კულტი“ დაასახელებს. „სამწუხაროდ, ხშირად ბავშვობიდან გვაჩვევდნენ, რომ „გემრიელი“ კერძები ყოველდღიურად ხელმისაწვდომი არ არის. ეს იშვიათობა, ჯილდო და მოვლენაა“, - ამბობენ ფსიქოლოგები.
ალბათ, ხშირად გსმენიათ ფრაზები: „ეს ახალი წლისთვის“; „ტორტი მხოლოდ დაბადების დღეზე“; „თუკი კარგ ნიშანს მიიღებ, საყვარელ კერძს მოგიმზადებ“;
„ავად ხარ? ეკლერები მოგიტანე!“

ასე, თანდათანობით ყალიბდება რამდენიმე ძალიან მავნე ჩვევა, რომელიც წონაში კლებას ხელს უშლის და ჭარბწონიანობის პრობლემას წარმოქნის.

მავნე ჩვევა #1 - საკვების გამოყენება ჯილდოს სახით
დიეტოლოგები გვირჩევენ, რომ გემრიელი კერძები ყოველდღიურ რაციონში აუცილებლად უნდა შევიდეს და ორგანიზმი დღესასწაულს არ უნდა დაელოდოს.

ნებისმიერი ტრაპეზი გემრიელი კერძით დაიწყეთ. იქნება ეს ისპანახის ფოთოლი თუ მოხარშული ქათმის მკერდი, მთავარია, საყვარელი პროდუქტი შეარჩიოთ.

საყვარელი კერძები ყოველდღიურად მიირთვით. თუკი ისინი ძალიან კალორიული ან მავნებელია, რაოდენობა შეზღუდეთ, თუმცა, ყოველდღიურად მათი მიღება აუცილებელია. 

მავნე ჩვევა #2 - საჭმლის მიღება დასამშვიდებლად
ზედმეტი კილოგრამების კიდევ ერთი გავრცელებული მიზეზი „სტრესის ჩახშობაა“.
დიახ, ადამიანები სწორედ მაშინ მიირთმევენ უფრო მეტ ცხიმს, ტკბილეულსა და ცომეულს, როდესაც ნაწყენები და გაღიზიანებულები არიან. საფუძველი კვლავ ბავშვობაშია, სადაც საჭმელი კეთილდღეობის, სიყვარულისა და სიხარულის სიმბოლო იყო. ეს შიში ღრმად ზის ქვეცნობიერში.
ასე რომ, შეეცადეთ, არ მიუჯდეთ მაგიდას მაშინ, როდესაც ვინმე გაგაბრაზებთ.

როგორ ვებრძოლოთ ამ ჩვევას?
დაწერეთ ფურცელზე, მინიმუმ, ათი მიზეზი, რა გაგახარებთ: კინო, ახალი ტანსაცმელი, პარკში სეირნობა, ყველაფერი - ჭამის გარდა. და ყოველ ჯერზე, როდესაც მოიწყენთ და შოკოლადი მოგინდებათ, გადახედეთ ჩამონათვალს  და აირჩიეთ ერთ-ერთი მათგანი. სხვათა შორის, შეგიძლიათ, საკუთარი თავი, ტორტის ნაჭრის ნაცვლად, თეატრის ბილეთებით ან ტუჩის საცხით დააჯილდოოთ.

გისურვებთ ჯანმრთელობასა და სილამაზეს!

ავტორი: სალომე ჩაჩიბაია