დიეტოლოგების მტკიცებით, თევზის დიეტა შესანიშნავად უწყობს ხელს წონაში კლებას. ამ რაციონით 7 დღეში გარანტირებულად დაიკლებთ 5 კილოს.
რა უნდა გაითვალისწინოთ დიეტის დროს:
- რაციონიდან ამოიღეთ შაქარი (ტკბილეული) და მარილი (თუკი მარილზე უარს ვერ ამბობთ, მიიღეთ ძალიან მცირე რაოდენობით);
- თევზის დიეტური სახეობებია: სუდაკი, ხეკი, თინუსი, კამბალა, სკუმბრია, ვირთევზა, ნავაგა. ორაგული, შედარებით, კალორიულია, თუმცა, სურვილის შემთხვევაში, შეგიძლიათ, დიეტურ მენიუში შეიტანოთ.
- ნებისმიერი კერძის მომზადების დროს გამოიყენეთ ცხიმის მინიმალური რაოდენობა;
- დიეტის გამეორება რეკომენდებულია დიეტის დასრულებიდან 6-8 კვირის შემდეგ.
- დიეტის პერიოდში, ზღვის პროდუქტების გარდა, შეგიძლიათ, მიიღოთ რძის პროდუქტები, მოხარშული კვერცხი და ხილი (ბანანის გამოკლებით).
- საკვების მიღება სასურველია, ერთსა და იმავე დროს, ხოლო ვახშამი არ უნდა გადააცილოთ საღამოს 6 საათს.
პირველი დღე:
საუზმე: ორთქლზე მომზადებული ან მოხარშული თევზი - 150 გრ; წყალზე მოთუშული კომბოსტო - 150 გრ; უშაქრო ჩაი.
სადილი: ბოსტნეულის წვნიანი - 200 გრ; მოხარშული თევზი ბრინჯით - 150 გრ;
სამხარი: ნებისმიერი დაბალკალორიული ხილი - 150 გრ.
ვახშამი: მოხარშული თევზი სტაფილოს სალათთან ერთად - 150 გრ. (მომზადების წესი: გახეხილ სტაფილოს მოასხით ოდნავ ძმარი და ზეთი. დაუმატეთ წვრილად დაჭრილი ხახვი, ნიორი, ოდნავ ხმელი ქინძი და უცხო სუნელი); 1 ნაჭერი შავი პური და უშაქრო ჩაი.
მეორე დღე:
საუზმე: შემწვარი თევზი - 150 გრ; უშაქრო ჩაი და ნებისმიერი ჩირი, გარდა ფინიკისა.
სადილი: თევზის ფილეს 2 ცალი კატლეტი. ნებისმიერი სახეობის მწნილი - 150 გრ; ერთი ნაჭერი შავი პური.
სამხარი: ნებისმიერი დაბალკალორიული ხილი - 150 გრ.
ვახშამი: თევზის კონსერვი - 200 გრ; ერთი ნაჭერი შავი პური; თხილეული - 50 გრ; (გამორიცხეთ არაქისი) და ნებისმიერი უშაქრო სასმელი.
მესამე დღე:
საუზმე: თევზის ბუტერბროდი შავი პურით - 150 გრ და უშაქრო ჩაი.
სადილი: ვეგეტარიანული ბორში და 1 ქილა თინუსის კონსერვი.
სამხარი: ნებისმიერი დაბალკალორიული ხილი - 150 გრ.
ვახშამი: კრევეტი 300 გრ; უშაქრო ჩაი ერთი ჩაის კოვზი თაფლით.
მეოთხე დღე:
საუზმე: ორთქლზე მომზადებული ან მოხარშული თევზი - 150 გრ; 1 ცალი ბოლოკი. ერთი ნაჭერი ტოსტერში გახუხული პური და უშაქრო ჩაი.
სადილი: თევზის წვნიანი - 200 გრ; მწვანე სალათის ფურცლები - 200 გრ.
სამხარი: ნებისმიერი დაბალკალორიული ხილი - 150 გრ.
ვახშამი: მოხარშული თევზი და კიტრი - 200 გრ; ერთი ნაჭერი შავი პური.
მეხუთე დღე:
საუზმე: ორთქლზე მომზადებული ან მოხარშული თევზი - 150 გრ; კომბოსტოს სალათი შეზავებული ზეითუნის ზეთით და მწვანილებით. ერთი ნაჭერი, ტოსტერში გახუხული პური და უშაქრო ჩაი.
სადილი: ბოსტნეულის წვნიანი მომზადებული თევზის ფარშით - 200 გრ; მოხარშული თევზი ბრინჯის გარნირით - 150 გრ;
სამხარი: ნებისმიერი დაბალკალორიული ხილი - 150 გრ.
ვახშამი: მოხარშული მიდიები (ან თევზი) სალათის ფურცლებით - 200 გრ; ერთი ნაჭერი შავი პური.
მეექვსე დღე:
საუზმე: 2 ნაჭერ შავ პურზე გადასმული ხიზილალა. უშაქრო ჩაი ერთი ჩაის კოვზი თაფლით.
სადილი: თევზის წვნიანი - მოზრდილი ულუფა. მოხარშული სკუმბრია მოთუშულ ბროკოლთან ერთად - 200გრ;
სამხარი: ნებისმიერი დაბალკალორიული ხილი - 150 გრ.
ვახშამი: თევზის კატლეტი 2 ცალი. მოთუშული სტაფილო ხახვით - 200 გრ;
მეშვიდე დღე:
საუზმე: მოხარშული თევზი - 150 გრ. უშაქრო ჩაი 4 ცალი ფინიკით.
სადილი: თევზის წვნიანი - 150 გრ; ერთ ნაჭერი შავი პური;
(დიეტის ბოლო, მეშვიდე დღეს სამხარზე უარის თქმა მოგიწევთ).
ვახშამი: მოხარშული კრევეტები - 300 გრ; მოხარშული ბრინჯი - 150 გრ; უშაქრო ჩაი.
ეს შვიდი დღე სწრაფად გაივლის, რადგან მენიუ საკმაოდ ნოყიერი, მრავალფეროვანი და მდიდარია.
ახლა უკვე, შეგიძლიათ თამამად შედგეთ სასწორზე და შეამოწმოთ თქვენი შედეგი.