რა უნდა გაითვალისწინოთ დიეტის დროს:
- ყურადღებით აარჩიეთ სოკო;
- დიეტის პერიოდში გამორიცხეთ ნებისმიერი ალკოჰოლური სასმელი;
- კვების რაციონიდან ამოიღეთ შემწვარი და ცხარე კერძები;
- ბოლო ვახშამი, სასურველია, 6 საათამდე მიირთვათ;
- დიეტის პერიოდში მოერიდეთ ტკბილეულსა და ცომეულს.
- თუკი დიეტის დროს შიმშილი შეგაწუხებთ, შეგიძლიათ, მიირთვათ დაბალკალორიული ხილი ან 1 ჭიქა დაბალპროცენტიანი კეფირი.
- სოკოს დიეტის რაციონში მისაღები ულუფის რაოდენობა თავად განსაზღვრეთ. უმჯობესია, საშუალო ულუფებად მიირთვათ.
- ბოსტნეულის სალათში შეგიძლიათ ნებისმიერი ბოსტნეული გამოიყენოთ, კარტოფილის გარდა.
სოკოს დიეტის მენიუ:
პირველი დღე:
საუზმე: შვრიის ფაფა ნებისმიერი ხილით (ბანანის გარდა). ხრაშუნა პური (ხლებცი) და უშაქრო ყავა ან ჩაი.
სადილი: სოკოს წვნიანი ნიახურით (კარტოფილის გარეშე) და წყალზე მოხარშული წიწიბურა.
ვახშამი: ბოსტნეულის სალათი შეზავებული ზეითუნის ზეთით და მწვანე ჩაი ლიმონით.
მეორე დღე:
საუზმე: წყალზე მოხარშული წიწიბურა. უშაქრო ყავა ან ჩაი ლიმონით.
სადილი: ჩაშუშული სოკო პომიდვრითა და მწვანილებით. 2 ცალი კიტრი და პომიდორი;
ვახშამი: სტაფილოს სალათი მწვანილებითა და ზეითუნის ზეთით. 1 ცალი ვაშლი.
მესამე დღე:
საუზმე: მოხარშული ბრინჯი უცხიმოდ. ხრაშუნა პური (ხლებცი) და ახალგამოწურული ხილის წვენი უშაქროდ (ბანანის გარდა).
სადილი: სოკოს ბულიონი და 2-3 ცალი სოიოს კატლეტი.
ვახშამი: ჭარხლის სალათი ზეითუნის ზეთით. 2 ცალი ფორთოხალი.
მეოთხე დღე:
საუზმე: შვრიის ფაფა ნებისმიერი ხილით (ბანანის გარდა). ხრაშუნა პური (ხლებცი) და უშაქრო ყავა ან ჩაი.
სადილი: მოხარშული ბრინჯი სოკოთი და გახეხილი სტაფილოთი.
ვახშამი: მწვანე სალათის ფურცლები კიტრით, მწვანილებითა და ზეითუნის ზეთით.
მეხუთე დღე:
საუზმე: წყალზე მოხარშული წიწიბურა. უშაქრო ყავა ან ჩაი ლიმონით.
სადილი: ჩაშუშული სოკო პომიდვრითა და მწვანილებით.
ვახშამი: ბოსტნეულის სალათი შეზავებული ლიმონის წვენით ან ზეითუნის ზეთით.
მეექვსე დღიდან მიირთვით სოკოს დიეტის მენიუ პირველიდან მეხუთე დღის ჩათვლით.
გახსოვდეთ: თუკი გაწუხებთ ალერგია, ჰიპერტენზია, ღვიძლის, თირკმლის ან კუჭ-ნაწლავის დაავადებები, აუცილებლად უარი უნდა თქვათ სოკოს დიეტაზე. გული არ დაგწყდეთ, რადგან ჩვენს რუბრიკაში უამრავი დიეტაა, რომელიც თქვენს ორგანიზმს იდეალურად მოერგება და წონის ეფექტურად დაკლებაში დაგეხმარებათ.
გისურვებთ ჯანმრთელობასა და სილამაზეს!