დიეტოლოგები ნაყინს ერთ-ერთ სრულფასოვან პროდუქტად მიიჩნევენ, რომელშიც საკმარისი რაოდენობით არის ცილები, ვიტამინები და მიკროელემენტები. გარდა ამისა, შეიცავს ბუნებრივ რელაქსანტს - ტრიპტოფანს, რომელიც სხეულს ენერგიით ავსებს და აუმჯობესებს განწყობას, რაც დიეტის დროს ძალიან მნიშვნელოვანია.
რა უნდა გაითვალისწინოთ დიეტის დროს:
- ყოველდღიური მენიუ არ უნდა აღემატებოდეს 1500 კალორიას. ამასთანავე, კალორიების დიდი ნაწილი საუზმესა და სადილზე უნდა გადანაწილდეს.
- ვახშამზე მიირთვით შედარებით დაბალკალორიული ნაყინი.
- ნაყინის დიეტის დროს შეგიძლიათ, მიიღოთ უშაქრო ყავა ან ჩაი.
- სურვილის შემთხვევაში დიეტის გამეორება მიზანშეწონილია დიეტის დასრულებიდან ერთი თვის შემდეგ.
- ნაყინს შეგიძლიათ, შეურიოთ სხვადასხვა ხილი.
- გაითვალისწინეთ, რომ 3-დღიანი ნაყინის დიეტის დროს უნდა მიირთვათ მხოლოდ ნაყინი, დღეში ხუთჯერ, სხვადასხვა დანამატებით - თხილი, ქიშმიში, ხილი.
დიეტის დროს ნაყინი უნდა იყოს:
- დამზადებული ნატურალური რძით და არა რძის შემცვლელებით;
- დაბალკალორიული;
- ვაფლის, შოკოლადის, შედედებული რძისა და მარმელადის გარეშე.
ნაყინის მონოდიეტა მარტივია:
მიირთვით ნაყინი ყოველ ჯერზე, რამდენჯერაც შიმშილი შეგაწუხებთ, გარდა ღამის საათებისა.
თუკი ნაყინის მონოდიეტის შესრულება თქვენთვის რთულია, გთავაზობთ ნაყინის დიეტის დაბალანსებულ და დაბალკალორიულ 7-დღიან მენიუს, რომლის დახმარებით კვირაში, სულ მცირე, 3 კილოგრამს დაიკლებთ.
ნაყინის დიეტის ერთკვირიანი მენიუ:
საუზმე: წყალზე მომზადებული შვრიის ფაფა ვაშლით - 200 გრამი; ან 1 ჭიქა რძე მიუსლით; ან ნაყინი (პლომბირი) 100 გრ;
ლანჩი: ნაყინი ანანასით - 50 გრ;
სადილი: ქათმის ან სოკოს ბულიონზე მომზადებული წვნიანი - 200 გრამი ან მოთუშული სოკო და უცხიმო იოგურტი, ნებისმიერი ხილის ჩირით.
სამხარი: ნაყინი ვაშლის ან ატმის პიურეთი - 50/20 გრამი.
ვახშამი: უცხიმო თევზი ან ქათმის ხორცი - 150 გრამი. ბოსტნეულის სალათი - 100 გრ.
მოცემული მენიუ გაიმეორეთ ყოველდღე, ერთი კვირის განმავლობაში.
გისურვებთ ჯანმრთელობასა და სილამაზეს!
