წონაში კლება ბებიების მეთოდით

„ბებიების დიეტა“ სწორად დაბალანსებულია. მისი ხანგრძლივობა 7 დღეა და ამ ხნის განმავლობაში გეძლევათ შანსი, დაემშვიდობოთ ზედმეტ 3-5 კილოგრამს.

დიეტის პერიოდში ყველაზე რთული პირველი სამი დღეა. შემდეგ უკვე ორგანიზმი ეგუება ახალ რაციონს და მომდევნო დღეები გაცილებით მარტივდება.

რა უნდა გაითვალისწინოთ დიეტის დროს:

• დღის მანძილზე მიიღეთ 2 ლიტრი წყალი; შეგიძლიათ, წყალს ლიმონის წვენი ან ლიმონის ნაჭრები დაამატოთ.
• დიეტის პერიოდში და მის შემდგომაც, მიღებული შედეგის გასამყარებლად, სასურველია, გარკვეული დროის განმავლობაში თავი შეიკავოთ ცომეულისგან, ტკბილეულისგან, შებოლილი და ცხიმიანი პროდუქტებისგან.
• კერძებზე მარილის მოყრა რეკომენდებული არ არის;
• ვახშამი არ უნდა გადააცილოთ 19:00 საათს;
• დიეტის პერიოდში, ასევე, მნიშვნელოვანია ძილი, რომელიც დღე-ღამეში 8-საათს მაინც უნდა შეადგენდეს;
• გაღვიძებისთანავე, უზმოზე, მიიღეთ 1 ჭიქა წყალი. 20-30 წუთის შემდეგ კი - საუზმე.
• დიეტის გამეორება სასურველია დიეტის დასრულებიდან 2 კვირის შემდეგ.

ბებიის დიეტის მენიუ (რაციონი მთელი კვირის მანძილზე ერთნაირია):

საუზმე: 1 ჭიქა უშაქრო ჩაი ან ყავა 1 ჩ/კ თაფლით.

ლანჩი: 40 გრამი ნაკლებცხიმიანი და ნაკლებმარილიანი ყველი (ჩვეულებრივი დანით მოჭრილი, საშუალო ზომის ნაჭერი ყველი, დაახლოებით, 30 გრ-ს იწონის);

სადილი: 2 ცალი მოხარშული კვერცხი, 20 გრამი ყველი, 120 გრამი მოხარშული ძროხის ხორცი, სალათის ფურცლები შეუზღუდავი რაოდენობით.

სამხარი: 1 ჭიქა უშაქრო ჩაი ან ყავა 1 ჩ/კ თაფლით.

ვახშამი: ბოსტნეულის სალათი შეზავებული მცენარეული ზეთით და 120 გრამი მოხარშული ქათმის ან ძროხის ხორცი.

ძილის წინ: პიტნის ჩაი, რომელიც აუმჯობესებს მეტაბოლიზმს და ამშვიდებს ნერვულ სისტემას.

ამ რეჟიმით იკვებეთ ერთი კვირის განმავლობაში.

გისურვებთ ჯანმრთელობასა და სილამაზეს!

ასევე, ნახეთ სხვა დიეტები წონაში დასაკლებად