ამგვარი დიეტა არ არის მკაცრი და მას რაიმე უკუჩვენება არ გააჩნია. ასე რომ, ნებისმიერ მსურველს შეუძლია, დაიწყოს. მას აქვს გამაჯანსაღებელი, გამაახალგაზრდავებელი და გამწმენდი ეფექტი.
რა უნდა გაითვალისწინოთ დიეტის დროს:
- დიეტა 1-კვირიანია და ამ ხნის განმავლობაში, წვნიანის გარდა, შეგიძლიათ, მიირთვათ ხილი, ბანანისა და ყურძნის გარდა. ასევე, შეგიძლიათ, მიირთვათ ბოსტნეული, მაგრამ არავითარ შემთხვევაში - კარტოფილი.
- დალიეთ წყალი შეუზღუდავად და, ასევე, მინერალური გაზგასული წყალი. მიირთვით მწვანე ჩაი და უშაქრო ყავა.
- შეეცადეთ, კერძი სულ ოდნავ დაამარილოთ;
- ნიახურის წვნიანი სამარხვოა. ასე რომ, ამ პერიოდშიც შეგიძლიათ, მიირთვათ;
- ნოყიერი წვნიანი სწრაფად წვავს ცხიმებს და, ამასთანავე, ადვილად მოსანელებელია.
- დიეტის პერიოდში რაციონიდან ამოიღეთ ცომეული, ტკბილეული და ტკბილი გაზირებული სასმელი. ასევე, უარი თქვით შემწვარი კერძების მიღებაზე. მიირთმევთ მხოლოდ დიეტურ წვნიანს.
- დიეტის ძირითადი პირობა - ყოველდღიურად ჯადოსნური წვიანის მიღება.
წვნიანის მოსამზადებლად საჭირო ინგრედიენტები:
- ნიახურის ძირები - 400 გრ;
- კომბოსტო - 0,5 კგ;
- ხახვი - 6 ცალი;
- ახალი ან კონსერვირებული პომიდორი - 3 ცალი;
- მწვანე ბულგარული წიწაკა - 2 ცალი;
- მარილი და შავი პილპილი - გემოვნებით.
წვნიანის მომზადების წესი:
ბოსტნეული დაჭერით და მოათავსეთ ქვაბში.
დაასხით 3 ლიტრი წყალი, დაამატეთ მარილი და პილპილი გემოვნებით.
დადგით ქვაბი ცეცხლზე და ადუღეთ 10 წუთის განმავლობაში, სანამ ბოსტნეული არ დარბილდება.
სულ ეს არის.
დიეტის წესები მარტივია: მიირთმევთ დიეტურ წვნიანს ნებისმიერ დროს, როდესაც შიმშილი შეგაწუხებთ და თან, შეუზღუდავი რაოდენობით.
გისურვებთ ჯანმრთელობასა და სილამაზეს!