გართულდება ურთიერთგაგება, მოლაპარაკება, კომუნიკაცია, ცოდნის ათვისება. მატულობს დაბნეულობა, გაფანტულობა, რის შედეგადაც მაღალია ავარიული სიტუაციების შექმნის ალბათობები გზებზე, ამიტომ მაქსიმალური ყურადღება გამოიჩინეთ! შესაძლოა, ტექნიკასთან, კავშირგაბმულობასთან დაკავშირებულმა პრობლემებმაც იჩინოს თავი.
არ არის სასურველი ტექნიკის შეძენა, ასევე, მნიშვნელოვანი მოლაპარაკებების წარმოება, ხელშეკრულებების გაფორმება. აკონტროლეთ თქვენი საუბარი, დარწმუნდით, რომ სწორად გაიგეთ თანამოსაუბრის აზრი და თქვენი ნათქვამიც ადეკვატურად იქნა აღქმული.
შესაძლოა, ძველმა ნაცნობობამ შეგახსენოთ თავი - წარსულიდან ბრუნდებიან ის ადამიანები, ვისთანაც არ დაგისრულებიათ ურთიერთობა ან კიდევ დაგრჩათ რაღაც სათქმელი, გასარკვევი. შესაძლოა, ურთიერთობა დაიძაბოს მეზობლებთან, და-ძმასთან, უახლოეს ნათესავებთან, კლასელებთან.
ამ დროს სასურველია დაუსრულებელი საქმეების დასრულება, მოწესრიგება, მიმდინარე პრობლემების მოგვარება (და არა ახალი საქმეების დაწყება!)... სწავლის განახლება.
ეს პერიოდი, პირიქით, ძალიან კარგია პირად რუკაში რეტროგრადული მერკურის მფლობელთათვის (გამოიყენეთ ეს დრო)!