ხვალ, 31 მარტს, სავსემთვარეობაა!
სავსემთვარეობა ვერძი-სასწორის ღერძზე ხდება.
ვერძი - ეგო, იმპულსი, „მე“.
სასწორი - ჰარმონია, ბალანსი „ჩვენ“.
ამ სავსემთვარეობის თემაა „მე“-სა და „ჩვენ“-ს შორის ბალანსის დაცვა.
რადგან სასწორის მმართველი ვენერაა და ის, ამავდროულად, მე-7 სახლის მმართველად მოიაზრება (მე-7 სახლი პარტნიორებია), წინ წამოიწევს პარტნიორული და სასიყვარულო ურთიერთობების თემატიკა.
ამჟამად საკმაოდ ბევრი პლანეტა იმყოფება ცეცხლის სტიქიაში, კონკრეტულად - ვერძში, ამიტომ იმპულსური, დაუფიქრებელი, სპონტანური გადაწყვეტილებების მიღების დრო ახლა არ არის!
დაფიქრებულობა და სიდინჯეა აუცილებელი ნებისმიერ პარტნიორულ ურთიერთობაში - საქმიან პარტნიორებს ეხება ეს თუ სასიყვარულოს, არა აქვს მნიშვნელობა.
გამოიჩინეთ დიპლომატიური უნარები, დაუშვით კომპრომისები, გამონახეთ საერთო ენა, ნუ აჩქარდებით!
შეგახსენებთ იმასაც, რომ მერკური 15 აპრილამდე ე.წ. უკანმავალ ფაზაშია, რეტროგრადულია და შეცდომების დაშვების, გაუგებრობების ალბათობაც მაღალია. ამიტომ, ურთიერთობებში მნიშვნელოვანი გადაწყვეტილებების მიღება (გინდ დადებითი, გინდ უარყოფითი ხასიათის) სჯობს, 15 აპრილის შემდგომი პერიოდისთვის გადადოთ.
რაც შეეხება კონკრეტულად სავსემთვარეობის ზონას (30.03-03.04.), შეეცადეთ, მაქსიმალურად მშვიდად, უკონფლიქტოდ გაატაროთ ეს პერიოდი. თავი აარიდეთ საქმეების გარჩევას, აგრესიას.
სიფრთხილე გამოიჩინეთ თავის ზონასთან დაკავშირებული დაავადებების მიმართ (შაკიკი, წნევა, თვალების დაავადებები);
აუცილებელი სიფრთხილე და ყურადღება გზებზე! ნუ გადააჭარბებთ სიჩქარეს. იყავით მეტად მობილიზებული და კონცენტრირებული.
ეს პერიოდი მათთვის უფრო იქნება ყურადსაღები, ვისაც ვერძისა და, ასევე, კარდინალური ჯვრის ამ ზონებში მნიშვნელოვანი პლანეტები უდგას (ჩახედეთ თქვენს რუკას და ნახეთ ეს შეერთებები).
გაითვალისწინეთ ეს რეკომენდაციები და ყველაფერი მშვიდობიანად ჩაივლის!
წარმატებები ყველას!