ვერძი - ცოტნე
ცოტნე ვერძის თვისებებს ავლენს. ხმაურიანი, პირდაპირი, ზოგჯერ უდარდელი და უმიზეზოდ ფიცხი. იგი დონ კიხოტივით გაბედულად ებმება უსამართლობასთან ბრძოლაში, თუმცა ეს ენთუზიაზმი შესაძლოა, დროდადრო განელდეს.
კურო - ნინა
ნინა კუროს ნიშნის თვისებებს ავლენს. მშვიდი, გაწონასწორებული, ერთგული, ოჯახზე მზრუნველი და შრომისმოყვარე ნინა სამსახურსა და ოჯახს ერთმანეთს უთავსებს. კუროს ყველაფერზე მეტად ოჯახური გარემო ხიბლავს.
ტყუპები - კატო
ცნობისმოყვარე, მერყევი, ქარაფშუტა, პირად ურთიერთობებში ჩამოუყალიბებელი და ხშირად არასერიოზული კატო ტყუპების ნიშნის მატარებელია. მას ხშირად საკუთარი თავის ვერაფერი გაუგია.
კირჩხიბი - ნატაშკა
მგრძნობიარე, მეოჯახე, შვილების ზრუნვაზე გადაყოლილი, მშრომელი და ერთგული ნატაშკა კირჩხიბის თვისებებს ატარებს. მას ხშირად ესაჭიროება განმარტოება და საკუთარ თავში ჩაღრმავება.
ლომი - მაკა
კარიერისტი, ჩამოყალიბებული და პრაგმატული მაკა ლომის ნიშანს ჰგავს. მისთვის სოციალური სტატუსი ძალიან მნიშვნელოვანია. მაქსიმუმს გააკეთებს იმისთვის, რომ წარმატებას მიაღწიოს, როგორც კარიერულ, ისე პირად ცხოვრებაში.
სასწორი - ნელიკო
კეთილი, შრომისმოყვარე, გულუბრყვილო და მიმტევებელი ნელიკო სასწორის ნიშნის მატარებელია. დაძაბულობა და ქაოსი მისთვის მიუღებელია და ყველაფერს გააკეთებს ვითარების განსამუხტად.
ქალწული - თინა
უზომოდ შრომისმოყვარე, პედანტი და კარიერაზე ორიენტირებულ თინა ქალწულის ნიშანს ჰგავს. მას ამ ქვეყნად ყველაზე მეტად დროის უყაირათოდ ხარჯვა და არასერიოზულობა აღიზიანებს.
მორიელი - თიკა
ცოტნეს ყოფილი ცოლი მორიელის თვისებებს ავლენს. სიჯიუტე, ბოღმა და შური მის როლში ხშირად იკვეთება. მორიელს შეუძლია, წყენა ხანგრძლივი დროით ატაროს გულით, სანამ შურისძიების ობიექტს სამაგიეროს არ გადაუხდის.
მშვილდოსანი - ხურცილავა
ხურცილავა ზოდიაქოს ნიშნით მშვილდოსანს ჰგავს. ხალხის გამხიარულება და პოზიტიურ ტალღაზე „მოქოქვა“ ნებისმიერი მშვილდოსნის საყვარელი საქმიანობაა. ზოდიაქოს ამ ნიშნით დაბადებულ ადამიანებს სძულთ მარტოობა და მოწყენილობა.
თხის რქა - დათო
დათო თხის რქას ჰგავს. იგი უზომოდ მშრომელია. შეუძლია სამსახურიდან ყველაზე ბოლო გამოვიდეს. თხის რქების უმრავლესობისთვის ცხოვრების აზრი ოჯახი, სამუშაო და პროფესიული განვითარებაა.
მერწყული - პეტრე
ადვოკატ პეტრე თავისებური, უცნაური პერსონაჟია - ზოგჯერ კომუნიკაბელური და ზოგჯერ ჩაკეტილი. იგი მერწყულის თვისებებს ავლენს. მერწყულები ნოვატორები, რეფორმატორები და დრომოჭმული ტრადიციების წინააღმდეგ მებრძოლები არიან.
თევზები - ანკა
უპრინციპო, მუდმივად მიმტევებელი ანკა თევზის ნიშნის თვისებებს ავლენს. თევზებს მათზე გაცილებით უფრო ძლიერი ნებისყოფის მქონე, პრინციპული ადამიანების თანადგომა ესაჭიროებათ, რათა საკუთარი რესურები სწორად გამოიყენონ.