მორიელი
მორიელი ქალები რეიტინგში პირველ ადგილზე დგანან. ისინი გაუმართლებლად ეჭვიანები არიან, მაგრამ თუ თქვენმა საყვარელმა ქალმა ღალატზე დაგიჭირათ, მის მრისხანებას მხოლოდ ატომური აფეთქება თუ შეედრება. თუ მორიელს აწყენინეთ, იგი მოგვიანებით გაგცემთ სათანადო პასუხს. მორიელი ზუსტად ისე მოგექცევათ, როგორც თავად მოექეცით. არასდროს ეცადოთ მორიელზე შურისძიებას. იგი, საბოლოო ჯამში, მაინც ყოველთვის გამარჯვებული გამოვა. უმჯობესია, მასთან თავაზიანობა გამოიჩინოთ. თუ მორიელი ქალი ვინმემ გააბრაზა ან უსამართლოდ მოექცა, იგი მოწინააღმდეგეს ბრძოლაში გამოიწვევს და მანამ არ დაწყნარდება, სანამ საბოლოოდ არ გაანადგურებს ან შეწყალებას არ სთხოვენ. განაწყენებული მორიელი გულმოდგინედ გეგმავს, როგორ იყაროს ჯავრი. დარტყმაც შესაბამისია. ენციკლოპედიაში მორიელზე შემდეგს წავიკითხავთ: იგი შხამის საშუალებით, რომელსაც კუდში ინახავს, მსხვერპლს ადამბლავებს. მისი ნაკბენი ხშირად სასიკვდილოა. ასე რომ, ფრთხილად იყავით მორიელთან, მათ შურისძიებას ერიდეთ.
კირჩხიბი
შურისმაძიებელ ქალებს მიეკუთვნებიან კირხიბის ნიშნით დაბადებულებიც. თუ მასთან დამოკიდებულებაში შეცდით, მოატყუეთ ან უღალატეთ, ამას არასდროს დაგივიწყებთ და ერთ მშვენიერ დღეს ჭექა-ქუხილივით დაგატყდებათ თავს. კირჩხიბის ნებისმიერი შურისძიების გეგმა ყოველთვის წარმატებით გვირგვინდება. ალბათ გაინტერესებთ, რა განაპირობებს მის წარმატებას? კირჩხიბ ქალებს იმპულსურობა არ ახასათებთ. რამეს თუ ჩაიფიქრებენ, კარგად აწონ-დაწონიან. ამიტომაც იშვიათად ცდებიან და მათი წამოწყებული საქმე კარგად მთავრდება. როდესაც რამე აქვთ მიზნად დასახული, განა უცებ უახლოვდებიან სამიზნეს. შემოვლით მანევრებს აკეთებენ და თვალს არ აცილებენ მსხვერპლს. თუ უცებ ობიექტი გაქცევას დააპირებს, კირჩხიბი უცებ მივარდება და მარწუხებში მოაქცევს. კირჩხიბი ქალები წარუმატებლობის შემთხვევაში რევანშისთვის ვერ ემზადებიან. ეს მათი სისუსტეა. ასეთ დროს ტრანსში ვვარდებიან და გონს დიდხანს ვერ მოდიან. ფრთხილად იყავით კირჩხიბ ქალებთან. სუსტი და დეპრესიულები ჩანან, თუმცა მათში ძალიან დიდი ენერგია დევს, რომელმაც თუ გაიღვიძა, გაქცევასაც ვერ მოასწრებთ.
ვერძი
შურისმაძიებელ ქალებში მესამე ადგილზე ცეცხლოვანი ნიშნის პირველი წარმომადგენელი ვერძია. ვერძს მამაკაცური ენერგეტიკის მქონე პლანეტა მარსი მართავს. ამ ნიშნის წარმომადგენელი ქალები საკმაოდ ძლიერი და, თუ საჭიროა, მამაკაცურებიც არიან. სოციალურ და საზოგადოებრივ ცხოვრებაში ვერძი დაბადებიდან მებრძოლი და ჯანყის მოყვარულია. იგი სიამოვნებით გამოიწვევს ბრძოლაში ყველას, რადგან საკუთარი უპირატესობის ღრმად სჯერა. თუ ვერძ ქალს გული ატკინეთ, უღალატეთ ან რაიმე სახის მანკიერება ჩაიდინეთ, აუცილებლად მიიღებთ ხმაურიან და დაუყონებლივ პასუხს. მისგან გადახდილი სამაგიერო ყოველთვის მწარედ გემახსოვრებათ. მართალია, მორიელისა და კირჩხიბის შურისძიებას ვერძის ვერ შეედრება, თუმცა მისი მხრიდან გადახდილ სამაგიეროს ვულკანის ამოფრქვევა ნამდვილად შეგვიძლია დავარქვათ. თუმცა, ამ ყველაფერში კარგი ამბავი ისაა, რომ სამაგიეროს გადახდიდან 2 წამში ვერძს აღარაფერი ახსოვს და ისე გააგრძელებს თქვენთან ურთიერთობას, თითქოს არც არაფერი მომხდარა. ამ ნიშნის წარმომადგენლები ბოღმას ვერ იდებენ გულში. რთულია ასეთი ქალის შეყვარება, მაგრამ თუ გარისკეთ, არ მოიწყენთ.