კირჩხიბი
კირჩხიბს სურს, იდეალური პარტნიორი იყოს და მყარი ოჯახი შექმნას. მისთვის სექსზე მნიშვნელოვანი სულიერი სიახლოვეა. პირველი სიყვარულის შემდეგ ახალი რომანის წამოწყება უჭირს. ხშირად მისტირის ძველ ურთიერთობას. თუ პარტნიორთან თავს სასურველად გრძნობს, ორმაგ თამაშს არასდროს წამოიწყებს. მეორე ნახევარს სიყვარულსა და მზრუნველობას არ მოაკლებს. ამ ნიშნის ქვეშ დაბადებულებს ღალატი განსაკუთრებულად სტანჯავთ.
ქალწული
ქალწულს ერთდროულად გონებით და გულით უყვარდება. მისი გრძნობები მხოლოდ ვნებაზე არ არის დაფუძნებული, ამიტომ დიდხანს გასტანს. თუ მას გამომწვევად ჩაცმული ქალი ან სექსუალური კაცი გაეარშიყება, მზერასაც არ გააყოლებს, ფლირტზე საუბარიც კი ზედმეტია. თუ ამ ნიშნის ქვეშ დაბადებულს მყუდრო გარემოს შეუქმნით და მთელი გულით შეიყვარებთ, სიცოცხლის ბოლომდე თქვენი ერთგული იქნება.
მორიელი
მორიელი ძალიან ვნებიანი ნიშანია და მისი ახალგაზრდობა თავბრუდამხვევი რომანებით არის სავსე, მაგრამ, თუ მეორე ნახევარს შეხვდება, უერთგულებს მას. მთავარია, მორიელს სექსზე უარი არასდროს უთხრათ. ინტიმური ცხოვრების დეფიციტი უარყოფითად აისახება თქვენს ურთიერთობაზე და ამ ადამიანსაც ღალატისკენ უბიძგებს.
თხის რქა
თხის რქა ბუნებით ერთგული ადამიანია. გარდა ამისა, სამსახურს იმდენად დიდ დროს უთმობს, რომ საყვარლის გაჩენისთვის არ სცალია. ამ ნიშნის ქვეშ დაბადებულებისთვის ოჯახი ხელშეუხებელი ინსტიტუტია, ამიტომ მესამე ადამიანს მისი დანგრევის საშუალებას არ მისცემს. თავს ნუ შეიწუხებთ თხის რქის პირადი მიმოწერების შემოწმებით და არც მეუღლის/შეყვარებულის სატელეფონო საუბრებს დაუგდოთ ყური, თქვენი ეჭვებით საყვარელ ადამიანს გულს ტყუილად ატკენთ.
