კირჩხიბი ბედნიერი იქნება კუროს, კირჩხიბის, ქალწულის, მორიელისა და თევზების გვერდით.
კირჩხიბი არაჩვეულებრივად ეწყობა კუროს. მათ ურთიერთობას კურო რომანტიკასა და სიმშვიდეს სძენს, კირჩხიბი კი კომფორტსა და რაციონალურობას. ორივე მათგანისთვის ძალიან მნიშვნელოვანია სახლი, ოჯახი და მყუდროება. კურო და კირჩხიბი არაჩვეულებრივი მშობლები არიან, ამიტომ მათი თანაცხოვრება ჰარმონიული და უკონფლიქტო იქნება.
თუ არჩევანის საშუალება გექნებათ, ყოველთვის კირჩხიბი აირჩიეთ. რადგან კირჩხიბისა და კირჩხიბის რომანი გრძელვადიანი, ჰარმონიული და თითქმის იდეალურია. ორივე ჭკვიანი, პრაქტიკული და ამავე დროს სულიერებაზე ორიენტირებულია. მათი ემოციური ინტელექტი განუსაზღვრელად მაღალია. სასურველია, ერთ-ერთი პარტნიორი უფროსი იყოს.
მართალია, შეყვარებულობის პერიოდში კირჩხიბსა და ქალწულს შორის არ იფეთქებს მგზნებარე სიყვარული, მაგრამ მათი ქორწინება მყარი იქნება. ვინაიდან არც კირჩხიბი და არც ქალწული ოჯახის დანგრევის მომხრენი არ არიან. პირიქით, მათთვის ეს ხელშეუხებელი ინსტიტუტია. ეს ზოდიაქოს ნიშნები ღირსეულ პარტნიორობას გაუწევენ ერთმანეთს. ქალწული რაციონალურია, რაშიც არც კირჩხიბი ჩამოუვარდება. ორივე გონიერია. შეიძლება ქალწულმა ხანდახან მეტი ლოგიკურობა გამოავლინოს და ცივი გონებით იმოქმედოს, სანამ კირჩხიბი გრძნობებსა და ემოციებს იქნება აყოლილი.
ყველასთვის ამოუცნობ მორიელს კირჩხიბი ძალიან მალე შიფრავს. მხოლოდ ამ ნიშნის ქვეშ დაბადებულს შეუძლია მისი გაგება. სამაგიეროდ მორიელი მთელი ცხოვრება ცდილობს კირჩხიბის ამოცნობას და ხანდახან არ გამოსდის. ეს აზარტული თამაშია! კირჩხიბსა და მორიელს ერთნაირი შინაგანი სამყარო აქვთ, სწორედ ამიტომ ერთად თავს ძალიან კომფორტულად გრძნობენ.
კირჩხიბი და თევზები ერთმანეთს დიდ პატივს სცემენ, აფასებენ და, შეიძლება ითქვას, ერთმანეთის უსიტყვოდ ესმით. ეს ნიშნები საუკეთესო მეგობრები არიან. ვერავინ ჩასწვდება თევზების მრავალფეროვან შინაგან სამყაროს ისე ღრმად, როგორც კირჩხიბი. მათ შეუძლიათ, თავიანთ სიყვარულს სიცოცხლეც კი შესწირონ. საერთოდაც, მათთვის სიყვარული ყოველდღიური ნებაყოფლობითი მსხვერპლშეწირვაა. მათი ურთიერთობა აგებულია მაღალ მატერიებზე, მძაფრ განცდებსა და სულიერ სიახლოვეზე.
