მაშ ასე:
ფიცხი, საკმაოდ ემოციური და ხშირად კონფლიქტურებიც კი არიან ცეცხლის სტიქიის ნიშნით დაბადებული შეფები – ვერძი, ლომი და მშვილდოსანი.
მათთვის მთავარია, თანამშრომელში აქტიურობასა და მუდმივად წინსვლის სურვილს ხედავდნენ.
ასეთ უფროსთან კამათის ნუ შეგეშინდებათ, იგი ნაკლებად დაგითხოვთ სამსახურიდან მხოლოდ იმის გამო, რომ თქვენ საკუთარი პოზიცია გაქვთ და რაღაცის მტკიცედ გჯერათ.
თუმცა, ნუ ეცდებით, ცეცხლოვანი შეფის ინიციატივა ხელყოთ ან მასზე უკეთესად საქმის კეთების სახალხოდ დემონსტრირება დაიწყოთ. ეს უკვე იმას ნიშნავს, რომ ახლო მომავალში უსამსახუროდ დარჩებით.
წინდახედული, მომთხოვნი და ზომიერად დისტანციურები არიან მიწის სტიქიის ნიშნით დაბადებული უფროსები - კურო, ქალწული და თხის რქა.
ისინი ე.წ. „ვორკოჰოლიკ“ ნიშნებს განეკუთვნებიან. მათ არ ახასიათებთ ცეცხლის სტიქიის ადამიანებივით ხმაურიანი ტემპერამენტი, ამიტომ ასეთი უფროსისგან თანამშრომელთან ღია და აშკარა დაპირისპირება ნაკლებად არის მოსალოდნელი.
ამასთანავე, ასეთი უფროსი ძალიან აფასებს მშრომელ ხალხს. ამიტომ, თუ თქვენ პატიოსნად შრომობთ, მიწის სტიქიის ნიშნით დაბადებული უფროსი სამსახურიდან არ დაგითხოვთ. უფრო მეტიც, თუ თქვენ რაღაცას უკეთ ხედავთ და თქვენი იდეა მას ფინანსურად მომგებიანი ეჩვენება, სავსებით შესაძლებელია, დაგაწინაუროთ კიდეც.
თუკი თქვენი ხელმძღვანელი კირჩხიბის, მორიელის ან თევზების ზოდიაქოს ნიშნით არის დაბადებული და მასთან ოფისში მოხვდით სამუშაოდ, უნდა იცოდეთ, რომ ამ კომპანიაში არათუ კედლებს, კარის სახელურებსა და საწერ კალამსაც კი ყურები აქვს. ამიტომ ზედმეტ ღლაბუცსა და უფროსობაზე ქილიკს მკაცრად არ გირჩევთ.
მოეკიდეთ სამსახურს, როგორც თქვენს მეორე სახლს, ამას თქვენი შეფი აუცილებლად დააფასებს და რაღაც პერიოდის შემდეგ, როცა ის თქვენს ერთგულებაში საბოლოოდ დარწმუნდება, აუცილებლად მოგიმატებთ თანამდებობასა და ხელფასს.
დაბოლოს, თუკი უფროსად ჰაერის სტიქიის ნიშანი შეგხვდათ – ანუ ტყუპი, მერწყული ან სასწორი, გაითვალისწინეთ, რომ სამსახურში აყვანის დღიდან თქვენი პოზიცია, ხელფასი და თავად ოფისის ადგილმდებარეობაც კი არაერთგზის შეიცვლება.
„ჰაერს“ მრავალფეროვნება უყვარს. შესაბამისად, თუკი ისეთი ადამიანების რიცხვს განეკუთვნებით, ვინც სტაბილურ და მშვიდ ადგილს ეძებს, აჯობებს, მიწის სტიქიის ნიშნებისკენ გადაინაცვლოთ.
სამაგიეროდ, ჰაერის ნიშნებთან მაქსიმალურად მოგეცემათ კრეატიული უნარების, შემოქმედებითი პოტენციალისა და თავისუფალი აზრის გამოთქმის საშუალება. ჰაერის სტიქიის უფროსმა შესაძლოა, ხშირად ვერ გაიხსენოს თქვენი გვარი ან თანამდებობა, სამაგიეროდ, მეგობრულად მოგიკითხავთ შეხვედრისას და არასოდეს იგრძნობთ მასთან იერარქიულ ბარიერს.
