ვერძი - ის ნებისმიერ პრობლემას თავად წყვეტს - დაუყოვნებლივ, ამაყად და მდუმარედ.
კურო - ის პრობლემას თავად მოაგვარებს, შემდეგ კი ამაზე ხმამაღლა ილაპარაკებს. შეიძლება, გაზეთშიც დაწეროს, რათა აბსოლუტურად ყველამ შეიტყოს.
ტყუპები - ისინი ეცდებიან, პრობლემის მოგვარება სხვას შეტენონ, მაგალითად - ვერძს. თუ ვერძი მთლიანი პრობლემის მოგვარებაზე ვერ დაითანხმეს, დანარჩენს მშვილდოსანს მოაგვარებინებენ.
კირჩხიბი - ის წინასწარ იწყებს ზლუქუნს და მის გასაჩუმებლად ვიღაცა თავის თავზე იღებს პრობლემების მოგვარებას. თუ მიხვდა, რომ ამის გაკეთებას არავინ აპირებს, კირჩხიბი თავადაც მშვენივრად გაუმკლავდება ყველაფერს. რა საჭირო იყო წუწუნი, გაუგებარია.
ლომი - პრობლემებს ყველას თვალწინ გაუმკლავდება. შემდეგ აპლოდისმენტებს და ყვავილებს მიიღებს, თაყვანისმცემლებს ავტოგრაფებს დაურიგებს და წავა.
ქალწული - გაღიზიანდება, მით უმეტეს, თუ ეს პრობლემა მოულოდნელად გამოჩნდა. თუმცა იფიქრებს, იპოვის გამოსავალს, მოაგვარებს და სამომავლოდ დასკვნასაც გამოიტანს.
სასწორი - აწონ-დაწონის პრობლემას და მივა დასკვნამდე, რომ მისთვის ეს პრობლემა მძიმეა და საჭიროა, ლომს ან ვერძს გაუნაწილოს.
მორიელი - შეხედავს პრობლემას. მიხიარულად იტყვის: „ეს რა ჯანდაბაა“ და გოლს გაიტანს.
მშვილდოსანი - ჯერ გაღიზიანდება, შემდეგ გამხიარულდება, დიდხანს იცინებს თავის თავზე, გაიხსენებს, კიდევ როგორი პრობლემები ჰქონია ცხოვრებაში, ამის შესახებ გარშემომყოფებს მოუყვება და მერე დაივიწყებს. ხშირად კი მშვილდოსნის პრობლემის მოგვარება მის გარემოცვაში მყოფ ლომს უწევს.
თხის რქა - ეცდება, უსიამოვნებები მაქსიმალურად აირიდოს. თუ მაინც დარჩება რამე, თხის რქა მას საუკეთესოდ მოაგვარებს, ოღონდ - სხვის ხარჯზე.
მერწყული - ხალისიანად დაიწყებს პრობლემის შესწავლას, შემდეგ მასზე წიგნს დაწერს. პრობლემა თუ არ მოგვარდება, გახალისდება მაინც.
თევზები - თევზები, კირჩხიბისგან განსხვავებით, ჩუმად ტირიან. მათ უსიამოვნებები მუდმივად აქვთ, თუმცა პრობლემებს თავად აგვარებენ და სხვისგან დახმარებას არასდროს ელიან.