მორიელი
ამ ნიშნის წარმომადგენლებს ყოველთვის ჰყავთ გამორჩეულად საყვარელი მეგობარი, რომელსაც საკუთარ საიდუმლოებებს ანდობენ. მორიელი ადამიანებს კარგად აკვირდება და მხოლოდ ამის შემდეგ უშვებს ახლოს. ვერ იტანენ, როცა ღალატობენ, ამიტომ თვითონ ცდილობენ, იყვნენ საუკეთესო მეგობრები. თუ თქვენი მეგობარი ზოდიაქოს ნიშნით მორიელია, მაშინ გიხაროდეთ, ეს სწორედ ის ადამიანია, ვისი იმედიც მთელი ცხოვრება უნდა გქონდეთ.
თხის რქა
ამ ნიშნის წარმომადგენლები კომუნიკაბელურობით გამოირჩევიან, ჰყავთ დიდი სამეგობრო წრე, თუმცა ყველასთან ერთნაირი დამოკიდებულება არ აქვთ. ჰყავთ ორი ან სამი მეგობარი, რომელმაც თითქმის ყველაფერი იცის მასზე. თხის რქა ბოლომდე არასდროს არავისთანაა გახსნილი და ყოველთვის იტოვებს რაღაც საიდუმლოებას თავისთვის. ამ ნიშნის ქვეშ დაბადებულები გამოირჩევიან ერთგულებით, მეგობრისთვის თავს არ ზოგავენ და აკეთებენ ყველაფერს რაც შეუძლიათ.
კირჩხიბი
ზოდიაქოს ნიშანთა შორის, კირჩხიბი ყველაზე მეტად გამოირჩევა ერთგულებით. ამ ნიშნის ქვეშ დაბადებულებს ძალიან კარგად გამოსდით მეგობრობა, შეგიძლიათ, მას თვალდახუჭული ენდოთ, არასდროს გიღალატებთ. კირჩხიბი ყოველთვის ყურადღებით უსმენს მეგობარს და აძლევს კარგ რჩევას, მასთან ურთიერთობა ძალიან მარტივია და ამიტომ ბევრს სურს კირჩხიბთან მეგობრობა, მაგრამ ამ ნიშნის წარმომადგენელიც, ისევე როგორც მორიელი, ყველას არ უშვებს ახლოს.