გიტარაზე დაკვრა ბრაიანმა 7 წლის ასაკში, მამის ხელმძღვანელობით დაიწყო. 1984 წელს ჯგუფი „1984“ ჩამოაყალიბა.
1967 წლიდან მეიმ სწავლა უმაღლეს სასწავლებელში განაგრძო, სადაც ახალი ჯგუფი Smile შექმნა. მალე ბრაიანმა დასარტყამ ინსტრუმენტზე შემსრულებლად როჯერ ტეილორი აიყვანა. ცოტა ხანში მათ ფრედი მერკურიც შეუერთდათ, რომელმაც ჯგუფს სახელი შეუცვალა და Queen დაარქვა.
მეი ასტროფიზიკით ჯერ კიდევ მაშინ დაინტერესდა, სანამ ფრედი მერკურისა და ჯგუფის დანარჩენ წევრებს გაიცნობდა.
გასტროლებმა და Queen-ის წარმატებებმა მუსიკოსი მეცნიერებას დროებით ჩამოაშორა, თუმცა მას შემდეგ, რაც QUEEN-მა კონცერტების ჩატარება შეწყვიტა, მეის ისევ გამოუჩნდა თავისუფალი დრო, რათა დაწყებული დისერტაცია ბოლომდე მიეყვანა.
ბრაიან მეისთვის, რომელიც ყოველთვის შინაგანი ინტელექტითა და თავმდაბლობით გამოირჩეოდა, უცხოა ალკოჰოლური სასმელები, ნარკოტიკები და სკანდალური სასიყვარულო ისტორიები.
ამჟამად ბრაიანი, QUEEN-ის დარჩენილ წევრებთან ერთად, გასტროლებზე დადის და პარალელურად ასტრონომიაზე წიგნს წერს. მის პატივსაცემად ერთ-ერთ ასტეროიდს 52665 ბრაიანმეი უწოდეს.
აღსანიშნავია, რომ გიტარაზე ბრაიან მეი, მედიატორის ნაცვლად, ძველი, ხმარებიდან გასული 6-პენიანი მონეტით უკრავს.
1993 წელს ბრიტანეთის ხაზინამ სპეციალურად მეისთვის ექვსპენიანების მცირე პარტია გამოუშვა.