ჩინურ ტრადიციაში ასეთი ქორწინება შეიძლება სხვადასხვა მიზეზით აიხსნას: მაგალითად, თუ წყვილი მაშინ დაინიშნა, როცა ორივე ცოცხალი იყო ან როცა საჭიროა გარანტია, რომ არც ერთი უმცროსი ძმა უფროსზე ადრე არ დაქორწინდება.
მოჩვენებებთან ქორწინების კიდევ ერთი მიზეზი უკავშირდება დოგმას, რომ ყველა ქალი აუცილებლად უნდა გათხოვდეს, რადგან გაუთხოვარი ქალი ოჯახის სირცხვილია.
სხვათა შორის, დღესაც კი, თანამედროვე ჩინეთშიც მიაჩნიათ, რომ გაუთხოვარ ქალს სერიოზული ფსიქოლოგიური პრობლემები აქვს. ამდენად, არაფერია გასაკვირი იმაში, რომ რამდენიმე საუკუნის წინათ გაუთხოვარ ქალებს სახლიდან აგდებდნენ, რადგან ოჯახისთვის სერიოზულ საფრთხედ მიაჩნდათ.
უკვე მე-19 საუკუნის ბოლოს ბევრი ჩინელი ქალიშვილი თავად შოულობდა თავის სარჩენ ფულს აბრეშუმის გაყიდვით ან სხვა საქმიანობით. ასეთი გოგონებისთვის, რომლებიც ქმრის გარეშეც მშვენივრად გრძნობდნენ თავს, მოჩვენებებთან ქორწინება იდეალურ ვარიანტს წარმოადგენდა. საზოგადოების თვალში ისინი გათხოვილებად ითვლებოდნენ, ამასთანავე, არც დამატებითი ვალდებულებები აწუხებდათ. ასეთი გოგონებისთვის მთავარი მიზანი უცოლო, გარდაცვლილი მამაკაცის პოვნა იყო, რასაც განსაკუთრებული ძალისხმევის გარეშე ახერხებდნენ. აი, ასეთი საინტერესო ურთიერთობებიც არსებობს.