სკოტი კბილის საწმენდი ჩხირებისგან ფიგურების შექმნამ ისე გაიტაცა, რომ თავისი მშობლიური ქალაქის სან-ფრანცისკოს მაკეტის შენება დაიწყო და ამჟამადაც ამ საქმიანობითაა დაკავებული.
ქალაქის მინიატურული ვარიანტი 2,1 მეტრის სიგანისა და 2,7 მეტრი სიგრძისაა.
„ეს ბოლომდე რეალისტური მაკეტი არ არის, რადგან 40 წლის მანძილზე ქალაქი ძალიან გაიზარდა და შეიცვალა“, - ამბობს სკოტ უივერი. დიახ, ქალაქი იმდენად სწრაფად იცვლება და ვითარდება, რომ ზოგჯერ ოსტატი უკვე შექმნილ მაკეტში ცვლილებების შეტანას ვერ ასწრებს და მხოლოდ ახალი ქანდაკებებით ამდიდრებს.
მინიატურული სან-ფრანცისკოს შექმნისთვის უივერს მილიონზე მეტი კბილის საწმენდი ჩხირი დასჭირდა. ჩაფიქრებული კონსტრუქციის მიხედვით, ოსტატი სხვადასხვა მარკის კბილის საწმენდებს იყენებს, რომლებსაც მეგობრები მოგზაურობების დროს უგროვებენ. თითქმის დასრულებულ მაკეტზე უკვე შესაძლებელია ექსკურსიის ჩატარება.
ცნობილია, რომ უჩვეულო ნივთების მოყვარულმა რიპლის მუზეუმმა სკოტ უივერს კბილის საწმენდებისგან შექმნილ ქალაქში 40 მილიონი დოლარი შესთავაზა, მაგრამ ავტორმა მის გაყიდვაზე უარი თქვა.